اردن سے تعلق رکھنے والے  شہری عارف عطیہ الجدایہ نے معمر ترین دولہا ہونے کا ریکارڈ قائم کردیا۔

شمالی اردن کے قصبے صما سے تعلق رکھنے والے عارف  نے 49 سالہ خاتون سے شادی کرکے اپنے بیٹوں اور تمام رشتہ داروں کو حیران کردیا۔

غیر ملکی خبرر رساں ادارے  کے مطابق چند ماہ قبل اردن کے معمر شہری کی پہلی بیوی کا انتقال ہوگیا تھا۔ بیٹوں نے انہیں اپنے ساتھ رہنے کی درخواست کی جسے مسترد کردیا تھا۔

اردنی شہری کے رشتہ داروں نے بتایا کہ’ ہمارے 103سالہ بزرگ نے 49 سالہ خاتون سے رشتہ کرلیا۔ اب وہ اپنی زندگی کے باقی ماندہ ایام نئی دلہن کے ساتھ گزاریں گے۔‘

مذکورہ شخص کے بیٹوں نے 2019 میں والدہ کے انتقال کے بعد والد کو اپنے ساتھ رکھنے کی بہت کوشش لیکن عارف عطیہ نے علیحدہ رہنے پر اصرار کیا۔

بھارتی معمرجوڑےکازندگی کے نئےسفرکاآغاز

ماں کے انتقال کے بعد بیٹوں نے اپنے والد کو ساتھ رہنے پر آمادہ کرنے کی سر توڑ کوشش کی۔ وہ اولاد کی ہر درخواست کو مسترد کرتے رہے اور کہتے رہے کہ میں تو الگ اپنے گھر میں ہی رہوں گا۔

رشتے داروں نے بتایا ہے کہ ’عارف عطیہ الجدایہ کی صحت بہت اچھی ہے اور وہ ماضی قریب تک کاروبار کرتے رہے ہیں۔‘

ان کے مطابق ’ان کے حوصلے نوجوانوں جیسے ہیں۔ یہی وجہ ہے کہ انہوں نے اس عمر میں شادی کرکے تمام رشتہ داروں اور واقف کاروں کو حیران کردیا‘۔

خیال رہے کہ اس سے قبل عمر رسیدہ انڈونیشن شہری نے انتہائی کم عمر لڑکی سے شادی کرکے دنیا کو حیران کیا تھا۔

دوسری  جانب بھارتی  ریاست کیرالہ کے سرکاری اولڈ ایج ہوم میں رہائش اختیار کرنے والے 67 سالہ  کوچانیا مینن اور 65 سالہ لکشمی امال نے  شادی کرلی تھی ۔