عورت مارچ میں خلل ڈالنے پر جے یو آئی (ف) کے رہنما رہنما مولانا عبدالمجید ہزاروی سمیت 12 افراد کے خلاف مقدمہ کر لیا گیا ہے۔

تفصیلات کے مطابق وفاقی دارالحکومت میں ہونے والے عورت مارچ میں خلل ڈالنے کی کوشش کرنے پر جمعیت علمائے اسلام (ف) کے رہنما مولانا عبدالمجید ہزاروی سمیت 12 مختلف مذہبی رہنماؤں کے خلاف اسلام آباد پولیس نے مقدمہ درج کرلیاہے ۔

واضح  رہے کہاسلام آباد میں یوم خواتین پر 2 ریلیاں نکالی گئی جس میں ایک ریلی کے شرکا نے عورت مارچ میں گھسنے کی کوشش کی تاہم پولیس نے اسے ناکام بنایا اور پولیس نے دونوں ریلیوں کو الگ کرنے کیلئے بیچ میں قناطیں لگائی پھر بھی بعض افراد نے پتھراؤ کیا تھا جس کے نتیجے میں ایک فرد زخمی بھی ہوا تھا۔

اسلام آباد میں عورت مارچ کے شرکاءپر پتھراﺅ

خیال رہے کہ دونوں ریلیوں کے شرکاءنے ایک دوسرے کے خلاف شدید نعرے بازی کی جبکہ بعض لوگوں کی جانب سے عورت مارچ کے شرکاءپر پتھراﺅ بھی کیا گیا۔

واضح رہے کہ پتھراﺅ کی وجہ سے عورت مارچ کے کئی شرکا زخمی ہوگئے، حالات کو کنٹرول کرنے کیلئے پولیس کی مزید نفری کو موقع پر طلب کرلیا گیا ہے۔

اس سے قبل فیاض الحسن چوہاننے کہا تھا کہ عورت مارچ آئین اور قانون کے دائرے میں ہونا چاہئیے۔

 یومِ خواتین کے حوالے سے ایک بیان میں وزیرِ اطلاعات پنجاب فیاض چوہان نے کہا تھا کہ عورتوں کے حقوق کو اسلام سے زیادہ اہمیت کسی مذہب نے نہیں دی۔

فیاض الحسن چوہان نے کہا تھا کہ آج وزیرِ اعظم عمران خان کی قیادت میں پاکستان میں عورتوں کے حقوق کے حوالے سے بہت کام ہو رہا ہے، پنجاب میں 104 ڈے کیئر سینٹرز سے خواتین مستفید ہو رہی ہیں۔