قوم کی جان بچانے کا وقت ہے نہ کہ سیاست کا ، مریم اورنگزیب
مسلم لیگ ن کی ترجمان مریم اورنگزیب نے کہا ہے کہ عمران صاحب یہ قوم کی جان بچانے کا وقت ہے، سیاست کا نہیں۔
تفصیلات کے مطابق مسلم لیگ ن کی ترجمان مریم اورنگزیب نے وزیر اعظم کے بیان پر رد عمل دیتے ہوئے کہا ہے کہ عمران صاحب حالات کی سنگینی، شدت اور سنجیدگی کو سمجھیں، عوام جس مشکل میں ہے اُس کو سمجھیں اور سیاست بعد میں کریں۔
مریم اورنگزیب نے کہا کہ عمران صاحب قوم کورونا ، کورونا کررہی ہے، آپ کا رونا ہی ختم نہیں ہورہا، جب تک آپ کے دماغ سے سیاسی انتقام کا وائرس نہیں نکلے گا آپ کوروناوائرس کا مقابلہ کیسے کریں گے۔
مسلم لیگ ن کی ترجمان نے یہ بھی کہا کہ عمران صاحب سرحدوں پر کورونا کی اسکریننگ کا بندوبست کر نہیں سکے اور سیاست پر زور دے رہے ہیں۔
مریم اورنگزیب نے عمران خان پر تیقید کرتے ہوئے کہا کہ عمران صاحب تفتان سرحد پر زائرین کے ساتھ جو بھیڑ بکریوں والا سلوک ہوا اُس کا جواب دیں۔
مریم اورنگزیب کا وزیراعظم کے قوم سے خطاب پر ردعمل
مسلم لیگ ن کی ترجمان کا کہنا تھا کہ اپنی بدترین ناکامیوں کا ملبہ نوازشریف اور شہبازشریف پر ڈالنے سے کام نہیں چلے گاجبکہ عمران صاحب نوازشریف اور شہبازشریف کے بنائے اسپتالوں اور منصوبوں پر آپ اپنےنام کی تختیاں لگا رہےہیں۔
مریم اورنگزیب کا یہ بھی کہنا تھا کہ عمران صاحب نوازشریف، شہبازشریف کے ہر ضلع اور شہر میں بنائے اسپتال آپ سےمینج نہیں ہورہے ۔
مسلم لیگ ن کی ترجمان مریم اورنگزیب کا مزید کہنا تھا کہ نوازشریف اور شہبازشریف نے الحمداللّٰہ بالخصوص پنجاب کے ہر ضلع، شہر میں اسپتال بنائے ہیں جبکہ خان صاحب پارلیمانی میٹنگ سے اس دن نہ بھاگتے اور پوچھ لیتے کہ کتنے اسپتال بنائے، تو آپ کو جواب مل جاتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News