پاکستان میں کورونا وائرس میں مبتلا معمر شخص جان کی بازی ہار گیا ، جس کے بعد اموات کی تعداد 9 ہوگئی جبکہ متاثرہ مریضوں کی تعداد 1201  ہوگئی ہے۔

تفصیلات کے لاہور میں کورونا وائرس سے ایک اور شخص جاں بحق ہوگیا جس کے بعد لاہور میں کورونا وائرس کے باعث جاں بحق افراد کی تعداد 2 ہوگئی ہے۔

ذرائع کا کہنا ہے کہ 75 سالہ شخص لاہور کے علاقے ٹاون شپ کا رہائشی تھااور جاں بحق ہونے والے شخص کا سیمپل اسکے گھر میں ہی لیا گیا تھا۔

ذرائع کا مزید کہنا ہے کہ معمر شخص پہلے ہی متعدد بیماریوں کا شکار تھا جبکہ جاں بحق ہونے والے شخض میں کورونا وائرس کی تشخیص ہوئی تھی۔

پاکستان میں کورونا وائرس سے ایک اور موت کی تصدیق ،تعداد 8 ہوگئی

یاد رہے پاکستان میں کورونا وائرس سے اب تک مجموعی طور پر 9 افراد جاں بحق ہوچکے ہیں جب کہ  ملک میں کورونا سے صحتیاب مریضوں کی کل تعداد 19 ہو گئی ہے ۔

واضح رہے کہ آج  ملک میں کورونا وائرس کے آج 125 افراد میں مہلک وائرس کی تشخیص ہوئی جن میں سندھ سے 8  ، پنجاب میں 82   اور خیبرپختونخوا میں 2  ، بلوچستان میں  12 ،  اسلام آباد میں  9 اور آزاد کشمیر میں 1  جبکہ  گلگت بلتستان میں 10 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 1098 تک پہنچ گئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 421  ،  بلوچستان میں 131 ، خیبرپختونخوا میں 123 ،اسلام آباد میں 25  ، گلگت بلتستان میں 91  ، پنجاب میں 405  اور آزاد کشمیر میں 2  مریض موجود ہے۔