آرمی چیف جنرل قمر جاوید باجوہ نے کہا ہے کہ کورونا کی روک تھام کے لیے فوج قوم کا ہاتھ بٹائے۔

پاک فوج کے شعبہ تعلقات عامہ (آئی ایس پی آر) نے سماجی رابطے کی ویب سائٹ ٹویٹر پر اپنے ایک پیغام میں کہا کہ آرمی چیف جنرل قمر جاوید باجوہ کی زیر صدارت پاک فوج کی کورز کمانڈرز کانفرنس کا انعقاد کیا گیا جس میں آرمی چیف نے فوج کو کوروناوائرس کی وباکی روک تھام کیلئےقومی کوششوں میں تعاون کی ہدایت کی ۔

CCC chaired by COAS today at GHQ.
Forum reviewed operational preparedness, situation along LOC, geo strategic environment and national & regional security situation with particular emphasis on Afghanistan Peace Process. (1/3) pic.twitter.com/iMaIEgH7nt

Advertisement

— DG ISPR (@OfficialDGISPR) March 12, 2020

ترجمان آئی ایس پی آر نے کہا کہ کورز کمانڈرز کانفرنس میں ملکی و خطے کی سلامتی،فوج کی آپریشنل تیاریوں، لائن آف کنٹرول کی صورتحال اور افغان مفاہمتی عمل سے متعلق معاملات کا بھی جائزہ لیا گیا جبکہ کوروناوائرس کے پیدا ہونے والی صورتحال پربھی بات چیت کی گئی۔

آرمی چیف جنرل قمر جاوید باجوہ کا کویت کا دورہ، آئی ایس پی آر

 اس موقع پر آرمی چیف جنرل قمر جاوید باجوہ  نے کہا کہ علاقائی امن و سلامتی کا راستہ افغانستان سے جاتا ہے۔

 جنرل قمر جاوید باجوہ  نے یہ بھی کہا کہ افغان مفاہمتی عمل میں پاکستان خلوص نیت سے اپنا کردار ادا کرنے کے لیئے تیار ہے۔

آرمی چیف جنرل قمر جاوید باجوہ نے مزید کہا کہ مشترکہ کوششوں اور تحمل سےتمام چیلنجز پر قابو پایا جاسکتا ہے۔

واضح رہے اس سے کچھ دیر قبل پاک فوج کے شعبہ تعلقات عامہ (آئی ایس پی آر) کے جاری کردہ بیان میں کہا گیا کہ امریکی انسداد پولیو ٹیم نے جی ایچ کیو کا دورہ کیا جہاں ان کی ملاقات آرمی چیف جنرل قمر جاوید باوجوہ سےہوئی۔
ترجمان آئی ایس پی آر کا کہنا تھا کہ ملاقات میں پاکستان میں صحت عامہ اور انسداد پولیو کے امور پر بات چیت کی گئی تھی۔
اس موقع پرآرمی چیف جنرل قمر جاوید باجوہ نے صحت کے شعبے میں امریکی تنظیم کی خدمات کو سراہا اور اس عزم کا اعادہ کیا کہ پولیو پر مکمل طور پر قابو پا لیا جائے گا۔