صوبائی وزیر تعلیم  سینیٹر سعید غنی  بھی کورونا وائرس   کا شکار ہوگئے۔

سماجی رابطے کی ویب سائٹ ٹوئیٹر پر جاری ویڈیو پیغام میں  سینیٹر سعید غنی نے بتایا کہ گذشتہ  روز کورونا وائرس کا ٹیسٹ کروایا تھا جو کہ حیرت انگیز طور پر  مثبت آگیا ہے۔

صوبائی وزیر تعلیم کا کہنا تھا کہ کورونا وائرس کی جو علامات بتائی جاتی ہیں مجھے ان میں سے کوئی بھی علامت   محسوس نہیں ہورہی اور میں خود کو بلکل صحت مند محسوس  کررہا ہوں۔

گذشتہ روز میں نے کورونا وائرس کا ٹیسٹ کروایا جسکی رپورٹ مثبت آئی ہے تاحال جو Symptoms اس وائرس کے بتائے جاتے ہیں ان میں سے مجھے کچھ محسوس نہیں ہورہا اور میں خود کو بالکل صحتمند محسوس کررہا ہوں اور اپنی ذمہ داریاں گھر پر isolation میں رہ کر ادا کررہا ہوں۔ شہری بھی گھروں پر رہیں pic.twitter.com/2vzS7qt0SY

Advertisement

— Senator Saeed Ghani (@SaeedGhani1) March 23, 2020

صوبائی وزیر تعلیم  سینیٹر سعید غنی  بھی کورونا وائرس   کا شکار ہوگئے۔

سماجی رابطے کی ویب سائٹ ٹوئیٹر پر جاری ویڈیو پیغام میں  سینیٹر سعید غنی نے بتایا کہ گذشتہ  روز کورونا وائرس کا ٹیسٹ کروایا تھا جو کہ حیرت انگیز طور پر  مثبت آگیا ہے۔

صوبائی وزیر تعلیم کا کہنا تھا کہ کورونا وائرس کی جو علامات بتائی جاتی ہیں مجھے ان میں سے کوئی بھی علامت   محسوس نہیں ہورہی اور میں خود کو بلکل صحت مند محسوس  کررہا ہوں۔

انہوں نے مزید کہا کہ میں نے آج ایک اور ٹیسٹ بھی کروایا جس کی رپورٹ بھی جلد آجائے گی لیکن چونکہ میرا ٹیسٹ مثبت آگیا ہے اس لیے میں نے مکمل طور پر آئسولیشن اختیار کرلی ہے اور تمام ذمہ داریاں گھر سے بیٹھ کر ادا کررہا ہوں ۔

سعید غنی نے کہا کہ میں اپنے ان تمام دوستوں اور رشتے داروں سے گزارش کرتا ہوں جو پچھلے کچھ دنوں میں مجھ سے ملتے رہے ہیں وہ اپنا مشاہدہ کریں اور اگر ممکن ہو تو اپنے آپ کو کوارنٹائن  میں رکھیں۔

صوبائی وزیر تعلیم نے مزید کہا کہ اگر ان میں سے کسی میں بھی  کوئی علامات محسوس ہوں تو وہ اپنا ٹیسٹ بھی کروائیں۔

انہوں نے شہریوں سے گزارش کرتےہوئے کہا کہ حکوت کے لاک ڈاؤن کے فیصلے پر عمل کرکے اپنے آپ کو اور اپنے بچوں کی حفاظت  کیجئے تاکہ ہم سب مل کر اس جنگ میں کامیاب ہوسکیں۔

آخر میں سعید غنی کا کہنا تھا میں بالکل ٹھیک ہوں ، میرے  لیے دعا  کیجئے۔ اللہ تعالیٰ ہم سب کی مدد و رہنمائی کرے۔

دوسری جانب  وزیراعلیٰ سندھ  مرادعلی شاہ   وصوبائی وزراء ناصرشاہ  اور مرتضیٰ وہاب کےکوروناٹیسٹ منفی آئے ہیں۔

ذرائع کا کہنا ہے کہ  مراد علی شاہ، ناصر حسین شاہ، سعید غنی اور بیرسٹر مرتضی وہاب نے ایک ساتھ ٹیسٹ کروائے تھے۔ چاروں کے ٹیسٹ دو روز قبل  کیے گئے تھے۔

سعیدغنی سےملتے رہنے والے دیگر سیاستدانوں اور افسران کےبھی ٹیسٹ کیےجارہےہیں۔