وزیر اعلیٰ پنجاب سردار عثمان بزدار نے کالم نگار فہد حسین کو ایک بالکل بے بنیاد اور جعلی خبر پر قانونی نوٹس بھجوا دیا ہے۔

تفصیلات کے مطابق وزیراعلیٰ پنجاب نے پریس ریلیز کے مطابق ، فہد حسین کو ایک قانونی نوٹس بھجوایا جس میں انہوں نے ان سے مطالبہ کیا کہ  اپنی غلطی کی معافی مانگیں یا 250 ملین ادا کریں۔

صحافی فہد حسین نے ایک آرٹیکل میں کرونا وائرس پر پنجاب حکومت کو نااہل قرار دیتے ہوئے دعویٰ کیا کہ “وزیراعلیٰ پنجاب عثمان بزدار بریفنگ کے بعد پوچھتے ہیں کہ ویسے یہ کرونا کاٹتا کیسے ہے؟” ۔

اس پر پنجاب حکومت نے سخت ردعمل دیا اور قانونی چارہ جوئی کا اعلان کردیا ہے۔

پنجاب حکومت کے ترجمان کا کہنا تھا کہ یہ افسوسناک اور بدقسمتی ہے کہ ان مشکل حالات میں کچھ لوگوں کو موقع ملا کہ وہ اپنی تخیل کو بطور خبر شائع کریں۔

یاد رہے کہ وزیراعلیٰ پنجاب سے منسوب بیان کچرا، ، بے بنیاد اور جھوٹ پر مبنی ہے۔

نجاب حکومت کے ترجمان نے فہد حسین کے خلاف کاروائی کا اعلان کرتے ہوئے کہا کہ پنجاب حکومت کالم نگار اور پبلشر کے خلاف قانونی کارروائی شروع کر رہی ہے۔

پنجاب حکومت کے ترجمان نے مزید کہا کہ اس غیر ذمہ دارانہ اور نان پروفیشنل روئیے پر ہم اے پی این ایس اور ریگولیٹر باڈیز سے بھی سخت ایکشن لینے کی درخواست کرتے ہیں ۔

انہوں نے کہا کہ  ہم اس کڑے وقت میں کسی کو خوف و ہراس پیدا کرنے اور اس کے اوچھے ایجنڈوں کو آگے بڑھنے کی اجازت نہیں دے سکتے ہیں۔

وزیر اعلی عثمان بزدار کے فوکل پرسن کی تویٹس بھی سامنے آ گئیں جس پر انہوں نے کہا کہ یہ کیا بکواس خبر ہے اس میٹنگ کے دوران میں خود موجود تھا۔

واضح رہے کہ سوشل میڈیا صارفین کی اکثریت یہ سمجھ رہی ہے کہ فہد حسین نے وزیراعلیٰ پنجاب عثمان بزدار کو نالائق ثابت کرنے کیلئے یہ من گھڑت بات کی ہے۔