پاکستان میں کورونا وائرس سے متاثرہ شخص کی ہلاکت کا پہلا کیس سامنے آگیا ، خیبر پختونخوا حکومت نے مردان  میں کورونا وائرس سے متاثرہ مریض کی موت کی تصدیق کردی ہے۔

تفصیلات کے مطابق وزیرصحت خیبرپختونخوا  تیمور سلیم جھگڑانے بھی سماجی رابطے کی ویب سائٹ ٹویٹر پر اپنے ایک پیغام میں کرونا سے ہلاکت کی تصدیق کردی۔

Sad to report one patient who passed away in Mardan.

— Taimur Khan Jhagra (@Jhagra) March 18, 2020

اپنے پیغام میں وزیرصحت خیبرپختونخوا تیمور سلیم جھگڑا نے مزید کہا کہ  مردان میں کرونا سے ایک مریض کی ہلاکت پر افسوس ہوا۔

اس سے قبل مشیر اطلاعات اجمل وزیر نے اپنے ایک بیان میں کہا کہ مردان میں کورونا وائرس سے متاثرہ مریض جان کی بازی ہار گیا۔

پاکستان میں کوروناوائرس کے متاثرہ افراد کی تعداد 299 ہوگئی

 اجمل وزیر   نے یہ بھی کہا کہ متاثرہ شخص 9 مارچ کو سعودی عرب سے پاکستان آیا تھاجبکہ 17 مارچ کو سعادت خان کا کرونا ٹیسٹ پازیٹو آیا تھا

 مشیر اطلاعات آجمل وزیر نے مزید کہا کہ مرنے والے شخص سعادت خان کی عمر 50 سال تھی اور ان  کا تعلق مانگاہ سے تھا۔

یاد رہے کہ پاکستان میں کوروناوائرس کے آج 61  افراد میں مہلک وائرس کی تشخیص ہوئی جن میں سندھ سے 36  ، اسلام آباد میں 3، گلگت بلتستان میں 10، پنجاب میں 2 ، خیبرپختونخوا میں 3  جبکہ بلوچستان میں  6 اور آزاد کشمیر میں 1 کورونا وائرس کے کیس کی تصدیق ہوئی ہے جبکہ پاکستان میں متاثرہ افراد کی تعداد 299 تک پہنچ گئی ہے۔۔

پاکستان میں متاثرہ مریضوں کی اعداد و شمار کے مطابق اس وقت سندھ میں 208،  بلوچستان میں 23  ، خیبرپختونخوا میں 19  ،اسلام آباد میں 7، گلگت بلتستان میں 13  ،پنجاب میں  28اور آزاد کشمیر میں 1 مریض موجودہے۔

واضح رہے کہ ڈپٹی کمشنر میر پور آزاد کشمیر کا کہنا تھا  کہ میر پور آئسولیشن وارڈ میں ایک شخص میں کورونا وائرس کی تصدیق ہو گئی ہےجبکہ متاثرہ شخص 14 دن قبل ایران سے تفتان آیا تھا، متاثرہ شخص کو 4 دن سے میر پور آئسولیشن وارڈ میں رکھا ہواتھا۔