وفاقی وزیر برائے منصوبہ بندی، ترقی و اصلاحات و خصوصی اقدامات اسد عمر نے کہا ہے کہ اسلام آباد کے مکین احتیاطی تدابیر پر عمل پیرا ہوں، عوامی مقامات اور اجتماع سے دور رہیں۔

تفصیلات کے مطابق  وفاقی وزیر برائے منصوبہ بندی، ترقی و اصلاحات و خصوصی اقدامات اسد عمر کی زیر صدارت  کورونا وائرس کے حوالے سے اجلاس ہوا ، جس  میں اسلام آباد میں کورونا وائرس سے بچاؤ کیلئے احتیاطی اقدامات کا جائزہ لیا گیا۔

اس موقع پر وفاقی وزیر اسد عمر نے کہا کہ اسلام آباد میں کرونا وائرس کے پھیلاؤ کو روکنے کیلئے آگاہی مہم شروع کر دی گئی ہے،اس آگاہی مہم کے تحت پولیو ٹیمز کرونا وائرس بارے پیغام بھی گھر گھرپہنچا رہی ہیں۔

  وفاقی وزیر برائے منصوبہ بندی، ترقی و اصلاحات و خصوصی اقدامات اسد عمر نے  مزید کہا کہ اس ضمن میں گھر گھر پمفلٹس کی تقسیم بھی جاری ہے  جبکہ اسلام آباد کے سکول، کالجز، جمز کو بند رکھا جائے گا ۔

اجلاس میں معاون خصوصی برائے سی ڈی اے افئیرز علی نواز اعوان، چیئرمین قائمہ کمیٹی برائے داخلہ راجہ خرم نواز، ڈی سی اسلام آباد، وزارت صحت، اور پم کے اعلیٰ حکام شریک ہوئے ۔

صوبہ سندھ اور پنجاب میں کورونا وائرس کے مزید 29 کیسز کی تصدیق

یاد رہے کہ  آج صوبہ سندھ اور پنجاب میں کورونا وائرس کے اب تک29کیسز سامنے آچکے ہیں جن میں سے 18 مریض پنجاب میں جبکہ 11 سندھ کے شہر کراچی میں سامنے آئے ہیں۔

 ترجمان محکمہ صحت سندھ سے جاری کردہ بیان کے مطابق کراچی میں کورونا وائرس کےمزید 11 مریض سامنے آ گئے جس کے بعد کراچی سے رپورٹ ہونے والے مریضوں کی مجموعی تعداد 97 ہو گئی ہے جبکہ سندھ بھر سے اب تک کرونا وائرس کے 249 مریض سامنے آ چکے ہیں جن میں سے 3 مریض صحتیابی کے بعد ڈسچارج ہو چکے ہیں۔

دوسری جانب سماجی رابطے کی ویب سائٹ ٹویٹر پر بھی اپنے ایک پیغام میں  وزیراعلیٰ پنجاب عثمان بزدار نے  بھی پنجاب میں  کورونا کے کیسز کی تصدیق کرتے ہوئے کہا کہ پنجاب میں کورونا وائرس کے مزید 18 کیسز سامنے آئے ہیں جس کے بعد صوبے بھر میں مریضوں کی تعداد 96 ہوگئی ہے۔

I can confirm that there are currently 96 #COVID19 positive cases in Punjab.

Advertisement

Out of which 71 are Zaireen, 15 in Lahore, 2 in Multan, 3 in Muzafargarh, 3 in Gujrat and 1 each is in Rawalpindi and Jehlum.

Please practice #SocialDistancing and stay safe during this Global Pandemic!

— Usman Buzdar (@UsmanAKBuzdar) March 20, 2020