وزیر خارجہ شاہ محمود قریشی نے کہا ہے کہ بھارتیہ جنتا پارٹی کی فسطائی حکومت کے یکطرفہ اور غیرقانونی اقدامات نے خطے کے امن اور استحکام کو خطرات سے دوچار کردیا ہے۔

تفصیلات کے مطابق وزیر خارجہ شاہ محمود قریشی نے گلوبل اسٹریٹیجک تھریٹس اینڈ ریسپانسز نامی سیمینار سے خطاب کیا۔

شاہ محمود قریشی نے بھارتی جارحیت کے بارے میں گفتگو کرتے ہوئے افسوس ظاہر کیا کہ مقبوضہ کشمیر میں بھارتیہ جنتا پارٹی کی فسطائی حکومت کے یکطرفہ اور غیرقانونی اقدامات نے خطے کے امن اور استحکام کوخطرات سے دوچار کردیا ہے۔

انہوں نے کہا کہ پاکستان ماحولیاتی تبدیلیوں اور اسلامو فوبیا کے خلاف جنگ لڑ رہا ہے جبکہ پاکستان کا امن و استحکام کا ویژن خود اپنے کیے پر بولتا ہے۔

انہوں نے کہا کہ جنگوں کے انداز کے ساتھ ساتھ سفارت کاری میں بھی تبدیلیاں آرہی ہیں اور سفارت کاری نہ صرف پہلا خط دفاع بلکہ پہلا خط حملہ بھی ہے اس لئے کوئی بھی اب اجگ تھلگ ہوکر نہیں رہ سکتا ہے اور پاکستان کے تعلقات دیگر ممالک سے بہت بہتر ہیں۔

ریاستی ملکیتی اداروں کی کارکردگی کے حوالے سے جائزہ

انہوں نے کہا کہ 2019 ابھی تک انتہائی محفو سال ثابت ہوا ہے کیونکہ فروری 2019 میں بھارت جارحیت کے مقابلے. مین سفارکارانہ دفاع کے نتائج سب نے دیکھے اور اب ہم اس دور میں رہتے ہیں کہ جب خطرے اور چلینجز نمودار ہوتے رہتے ہیں یہاں تک کہ سائنس بھی ان خطرات و چلینلز کا حل فراہم کرتی رہتی ہے۔

شاہ محمود نے مزید کہا کہ ہم اپنی سرزمین کسی کے بھی خلاف استعمال نہیں ہونے دیں گے کیونکہ ہمارا عمل ہمارے الفاظ کی نسبت زیادہ بلند اور بہتر ہے جس کا نمونہ دوحہ میں امریکہ اور طالبان کے درمیان سنگ میل امن معاہدہ دیکھا جاسکتا ہے، پاکستان نے اس معاہدے کے حصول کے لیے سہولت کاری فراہم کی اور .اب یہ افغانوں پر ہے کہ وہ اس تاریخی موقع سے فایدہ اٹھا کر مستقل امن کا حاصل کریں۔

ان کا کہنا تھا کہ پاکستان 40 برس تک لاکھوں افغان مہاجرین کا میزبان رہا اور ساتھ ہی ساتھ پاکستان کی جانب سے کامیابی سے دہشت گردی اور انتہا پسندی پر قابو پایا گیا ہے۔

اس موقع پر انہوں نے بتایا کہ پاکستان بھارت تعلقات میں پاکستان نے کرتار پور راہدای قائم کی گئی اور اب کرتار پور کو دنیا بھر میں ایک بڑا مندر بنایا گیا۔

انہوں نے بتایا کہ کرتارپور پاکستان کے پاک بھارت تعلقات کے ویژن میں پاکستانی توقعات کا عکاس ہے اور ہم خطے میں امن و استحکام میں شراکت دار ہیں۔