وزیر اعظم عمران خان نے کہا ہے کہ قوم نے متحد ہوکر مشکل کا مقابلہ کرنا ہے ، جس طرح چین نےکورونا پرقابوپایا اس طرح ہم بھی کورونا پرقابوپالیں گے۔

تفصیلات کے مطابق وزیر اعظم عمران خان نے قوم سے خطاب کرتے ہوئے کہا کہ ‏بحث چل رہی ہے کہ ملک کولاک ڈاؤن کرنا چاہیے، اگراٹلی جیسے حالات ہوتے توپورے ملک میں لاک ڈاؤن کردیتا۔ ‏

اپنے بیان میں وزیر اعظم نے کہا کہ پورےپاکستان کولاک ڈاؤن کرنےکاحکم نہیں  دےسکتا، لاک  ڈاؤن یاکرفیوکامطلب شہریوں کوگھروں میں  مکمل بندکردینا ہے جبکہ پورےلاک ڈاؤن سےپہلے25فیصدغریب لوگوں کاسوچناہوگا۔ ‏

 عمران خان نے یہ بھی کہا کہ اگرآج پورا لاک ڈاؤن کردیتا ہوں تومزدورطبقہ  اور دہاڑی والے گھروں میں بند ہوجائیں گے جبکہ ہماری صلاحیت اتنی نہیں کہ دہاڑی والے تمام لوگوں کوگھروں میں خوراک پہنچاسکیں ، چین کے پاس پیسہ اور سسٹم تھا اس لیے وہ لاک ڈاؤن کر سکے تھے۔

وزیرِ اعلیٰ سندھ کا لاک ڈاؤن کا اعلان

وزیر اعظم کا کہنا تھا کہ  پاکستانیوں کی بڑی تعداد غربت کی لکیر سے نیچے ہے، اناج کی کوئی کمی نہیں،‏عوام پریشان نہ ہوں اورذخیرہ اندوزی نہ کریں لوگ ازخود اپنے گھروں میں موجود رہیں۔

 عمران خان  کا یہ بھی کہنا تھا کہ عوام کی ذمہ داری ہےکہ احتیاط کریں، ہم نے اسکول،یونیورسٹیاں،شاپنگ سینٹرزبند کردیے، شاپنگ مالز ، مارکیٹیں،اسکولز اوریونیورسٹیز بند کردی ہیں، لاک ڈاؤن کےمزید منفی اثرات ہوں گے۔

وزیر اعظم نے کہا کہ قوم کا کردار مشکل وقت میں معلوم ہوتا ہے، مشکل وقت کا پاکستانی قوم نے مل کر مقابلہ کیا مجھے فخر ہے، ہم نے صحیح معنوں میں احتیاط نہیں کی تو سب کا نقصان ہوگا۔

عمران خان نے یہ بھی کہا   کہ جنہیں فلو اور کھانسی جیسے مسائل ہیں ہے توخود کوآئیسولیشن میں رکھیں کیونکہ  ہم احتیاط نہیں کریں گے تو یہ بیماری تیزی سے پھیلے گی۔

وزیر اعظم عمران خان نے مزید کہا کہ ‎‏احتیاط نہ کی تو پوری قوم کو نقصان ہوگا۔‎‏کوروناسےزیادہ نقصان افراتفری سے ہوگا لیکن چین کی طرح ہم بھی مشکل وقت سے نکل جائیں گے۔

یاد رہے کہ اس سے قبل معاون خصوصی برائے اطلاعات و نشریات فردوس عاشق اعوان نے بھی سماجی رابطے کی ویب سائٹ ٹوئٹر پر اپنے ایک بیان میں وزیر اعظم کے خطاب سے متعلق آگاہ کیا تھا۔

وزیراعظم عمران خان آج کرونا وائرس کے حوالے سے درپیش چیلنج کے تناظر میں قوم سے اہم خطاب کریں گے۔#COVID2019 #PMIK

— Dr. Firdous Ashiq Awan (@Dr_FirdousPTI) March 22, 2020