مشیرتجارت ، صنعت اورسرمایہ کاری عبدالرزاق دائود نے کہا ہے کہ یورپی یونین نے پاکستان کے جی ایس پی پلس اسٹیٹس میں  توسیع کر دی ہے ۔

تفصیلات کے مطابق مشیرتجارت ، صنعت اورسرمایہ کاری عبدالرزاق دائود نےسماجی رابطہ کی ویب سائٹ ٹویٹر پرایک بیان میں کہاکہ پاکستان کے جی ایس پی پلس اسٹیٹس میں  توسیع کے بعد پاکستان جی ایس پی پلس کے تحت یورپی یونین میں ترجیحی ٹیرف سے مستفید ہوتا رہے گا ۔

  عبدالرزاق دائود نے تاجروں پرزوردیا کہ وہ اس موقع سے فائدہ اٹھاتے ہوئے اپنی برآمدات میں اضافہ کریں۔

مشیرتجارت ، صنعت اورسرمایہ کاری عبدالرزاق دائود نے مزید کہا کہ اس اقدام سے پاکستان کا اپنے عوام کو سماجی اور اقتصادی حالت کو بہتر بنانے کا عزم مزید مضبوط ہوگا ۔

یاد رہے اس سے قبل  یورپی یونین نےپاکستانی مصنوعات کو یورپی منڈیوں تک رسائی کیلئے مراعات برقرار رکھنےکا فیصلہ کیا ہے اور جی ایس پی پلس اسٹیٹس میں  توسیع کر دی ۔

جی ایس پی پلس پاکستان کی معیشت کیلئے بہت بڑا تحفہ ہے، گورنرپنجاب

 جی ایس پی پلس کادرجہ میں توسیع سے پاکستانی مصنوعات کو یورپی منڈیوں میں ڈیوٹی فری رسائی برقرار رہے گی ، مشیرامور تجارت عبدالرزاق دائود اور سیکرٹری تجارت احمد نواز سکھیرا نے یورپی یونین کے فیصلے کو خوش آئندقرار دیا ہے اور یورپی یونین کا شکریہ ادا کیا تھا۔

انہوں نے کہا  تھا کہ جی ایس پی پلس کا اب جائزہ 2022 میں لیا جائیگا، فیصلہ خوش آئند، برآمد کنندگان فائدہ اٹھائیں،پاکستان نے بڑی تجارتی کامیابی حاصل کی ہے۔

عبدالرزاق دائود نے مزید کہا  تھا کہ جی ایس پی پلس کا درجہ برقرار رکھنے پر یورپی یونین کا شکریہ ادا کرتے ہیں،جی ایس پی پلس کیلئے یورپی یونین کیساتھ معاہدے کی شرائط پر عمل کیا۔