پاکستان میں کورونا وائرس سے مزید 22 افراد جان کی بازی ہار گئے ، جس کے بعد اموات کی تعداد 344 ہوگئی جبکہ متاثرہ مریضوں کی تعداد 15507 ہوگئی ہے۔

تفصیلات کےمطابق آج سندھ میں کورونا سے 8 اور خیبرپختونخوا میں بھی کرونا سے 8 جبکہ پنجاب میں کرونا سے 5 اموات ہوئی جس کے بعد ملک بھر کورونا وائرس سے جاں بحق افراد کی مجموعی تعداد 344 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 100 ، بلوچستان میں 15 ، خیبرپختونخوا میں 122 ، اسلام آباد میں 4، گلگت بلتستان میں 3 ، پنجاب میں 100 افراد جان کی بازی ہار چکے ہیں۔

یاد رہے اس سے قبل محکمہ صحت سندھ نے اپنے ایک بیان میں کہا کہ سندھ میں کورونا وائرس سے آج 8 مریض دم توڑ گئے، جس کے بعد صوبے بھر میں اموات کی مجموعی تعداد 100 ہوگئی ہے۔

کورونا سے اب تک کتنے افراد جان سے گئے اور کتنے صحت یاب ہوئے ؟

دوسری جانب ترجمان پرونشل ڈیزاسٹر منیجمنٹ اتھارٹی نے اپنے ایک بیان میں کہا کہ پنجاب میں آج کورونا وائرس سے متاثرہ 5 افراد دم توڑ گئے جس کے بعد صوبے میں اموات کی مجموعی تعداد 100 ہو گئی۔

دریں اثناء محکمہ اطلاعات خیبرپختونخوا نے اپنے ایک بیان میں کہا کہ خیبر پختونخوا میں آج مزید 8 متاثرہ افراد جان کی بازی ہار گئے جس کے بعد صوبے میں اموات کی تعداد 122 تک پہنچ گئی ہے۔

واضح رہے گزشتہ کورونا سے  سندھ میں 4 ، خیبرپختونخوا میں 10، بلوچستان اور اسلاآباد میں 1،1 جبکہ پنجاب میں 11 اموات ہوئی جس کے ملک بھر کورونا وائرس سے جاں بحق افراد کی مجموعی تعداد 323 ہوگئی ہے۔