وزیر اعلی سندھ  مراد علی شاہ نے کہا ہے کہ  تمام ڈی سیز وائرس کے خلاف لڑائی میں مدد کریں ۔

تفصیلات کے مطابق وزیراعلیٰ سندھ نے  ڈویزنل کمشنرز اور  ڈپٹی کمشنرز کے  اجلاس  کی صدارت کرتے ہوئے کہا   ہے کہ یہ بات پریشان کن ہے کہ لیاری  اور ضلع وسطی میں کیسز کی تعداد بڑھ رہی ہے، اس کے لئے گزارش ہے کہ تمام ڈی سیز وائرس کے خلاف لڑائی میں مدد کریں۔

مراد  علی شاہ کا کہنا تھا  کہ گھروں میں آئسولیشن کے سب سے زیادہ مریض ضلع وسطی میں ہیں ۔

انکا کہنا تھا ٹیسٹنگ کٹس کی کوئی قلت نہیں ہے اور ڈی سیز ٹیسٹنگ کا پلان بناکر ٹیسٹنگ شروع کروائیں اور لوگوں کو ماسک پہنانے کی ہدایات کریں۔

دوسری جانب محکمہ صحت کے مطابق ضلع شرقی میں چارسو59کیسزرپورٹ ہوگئے ،جنوبی میں  4 سو 53  اور  وسطی میں   3 سو 27  افراد بیمارپڑگئے جبکہ غربی  میں 170افراد میں وائرس کی تصدیق ہوگئی  ہے۔

ضلع غربی میں مریضوں کو آئسولیٹ کرنے کا کوئی سرکاری  انتظام نہیں کیا گیا ہے  جبکہ پٹھان کالونی میں  بلدیہ عظمیٰ کا 50 بستروں کا  اسپتال   وقف تو کیا گیا ۔۔ لیکن تاحال آئسولیشن کے انتظامات نہ ہو سکے۔

جنوبی کے پاس صرف 2 سو 66 مریضوں کے آئسولیشن کے انتظامات ہیں، لیاری جنرل اسپتال میں 98،سول اسپتال میں 68 ۔۔  جناح اسپتال میں ایک سو بستر  مختص ہیں جبکہ ضلع وسطی میں  صرف 70 مریضوں کے لیے آئسولیشن بستر وں کا بندوبست  ہے اور ان میں لاکھانی اسپتال کے  50   اور لیاقت آباد جنرل اسپتال کے 20 بستر شامل ہیں ۔

 ملیر میں ایک سو 88 بستر کا انتظام  موجود ہے جبکہ گڈاپ اسپتال میں ایک سو 88 ۔۔ دمبا گوٹھ میں70۔۔ سعود آباد  میں12 بستر   رکھے گئے ہیں اور کورنگی میں صرف 44 بستر آئسولیشن کے لئے مختص کئے گئے  ہیں۔