حکومت کا لاک ڈاؤن سے متعلق اہم بیان

وریشہ مسعود

30th Apr, 2020. 09:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کا لاک ڈاؤن سے متعلق اہم بیان

کورونا وائرس کے پیش نظر سندھ حکومت کا لاک ڈائون سے متعلق ایک اور اہم بیان سامنے آگیا۔

تفصیلات کے مطابق ترجمان وزیراعلی سندھ نے اپنے ایک بیان میں کہا کہ رمضان المبارک تک لاک ڈائون سے متعلق احکامات پر عمل درآمد ہوگا۔،

ترجمان وزیراعلی سندھ نے یہ بھی کہا کہ لاک ڈائون سے متعلق گزشتہ احکامات پورے رمضان المبارک تک ہیں اور ان احکامات پر رمضان کے آخر تک مکمل عمل درآمد ہوگا۔

ترجمان وزیراعلی سندھ نے مزید کہا کہ تاجروں کو عید سے پہلے کاروباری سہولتوں کے لیے کمیٹی بنادی ہے، تاجروں کی سہولیات کے لیے جلد اعلان کریں گے، کرونا وائرس لمبا چلے گا، اب ہماری ایس اوپیز بھی طویل ہوں گی۔

یادرہے اس سے قبل وزیراطلاعات سندھ ناصر حسین شاہ نے لاک ڈاؤن ختم کرنے کی افواہوں کی تردید کرتے ہوئے کہا تھا کہ سندھ میں لاک ڈاؤن ختم کرنے کا کوئی فیصلہ نہیں کیا، آج صرف لاک ڈاؤن میں نرمی کے حوالے سے مشاورت ہوئی ہے۔

وزیراطلاعات سندھ نے کہا تھا کہ حکومت چاھتی ہے کہ کاروباری سرگرمیوں کیلئے بنائی گئی ایس او پیز کے تحت رعایت دی جائے، ابھی مشاور جاری ہے، مکمل ہونے پر عوام کو آگاہ کیا جائے گا۔

سندھ میں لاک ڈاؤن میں نرمی کا فیصلہ؟

واضح رہے اس سے قبل وازیراعلیٰ ہائوس میں وزیراعلیٰ سندھ مراد علی شاہ کی صدارت اہم اجلاس ہوا ، جس میں میں مشروط طور مارکیٹیں اور کاروبار کھولنے کی تجاویز کی گئی جبکہ کورونا ٹاسک فورس کا محکمہ صحت کی کارکردگی پر تشویش کا اظہار کیا۔

بول نیوز کو ملنے والی وزیراعلیٰ سندھ مراد علی شاہ کی صدارت اندرونی کہانی کے مطابق سندھ میں لاک ڈاؤن میں نرمی کرتے ہوئے سمارٹ لاک ڈائون یعنی لاک ڈائون میں نرمی کرنے پر غور کیا گیا اور کورونا کے باعث تاجروں کو کاروبار سے متعلق درپیش مسائل پر بھی بات ہوئی۔

وزیراعلیٰ نے کہا تھا کہ وفاقی حکومت کے باعث کورونا سے نمٹنے کے لیے اب صوبے میں لاک ڈائون میں نرمی کرنے پڑے گی، سندھ اکیلا کچھ نہیں کرسکتا۔