وزیرخارجہ مخدوم شاہ محمود قریشی نےکہا ہے کہ کرونا وبا کے باعث پوری دنیا، صحت اور معیشت کے حوالے سے غیر معمولی چیلنجز کا سامنا کر رہی ہے، ہمیں لوگوں کی جانیں اور معیشت دونوں کو بچانا ہے جو کہ ایک بہت بڑا چیلنج ہے۔

تفصیلات کے مطابق وزیرخارجہ مخدوم شاہ محمود قریشی نے وزارت خارجہ میں،پاکستان پریپیرڈنس اینڈ رسپانس پلان کی افتتاحی تقریب سے خطاب کرتے ہوئے کہا کہ ہم ایک تاریخ ساز وقت میں اکٹھے ہو رہے ہیں، ہمیں اپنی ٹسٹنگ اور کوارنٹائین سہولتوں کو بڑھانا ہے،ہمیں تربیت یافتہ سٹاف، صحت سے متعلقہ سازوسامان کی کمی کا سامنا ہے۔

وزیرخارجہ نے کہا کہ اس وبائی چیلنج کے خلاف جس طرح ہمارے اور پوری دنیا میں ڈاکٹرز، نرسز، اور پیرامیڈیکل سٹاف اپنی جانوں کی پرواہ کیے بغیر انسانیت کی خدمت کر رہے ہیں اس پر ان  کا جتنا شکریہ ادا کیا جائے کم ہے۔

شاہ محمود قریشی نے واضح کیا کہ عالمی برادری مشترکہ طور پر اس وبا کے خلاف نبرد آزما ہے،عالمی اعداد و شمار کے مطابق آج تک 169006 لوگ اس وبا کی وجہ سے لقمہ اجل بن چکے ہیں جبکہ دو ملین سے زیادہ لوگ اس وائرس سے متاثر ہو چکے ہیں۔

معید یوسف کی وزیرخارجہ شاہ محمود قریشی سے ملاقات

وزیرخارجہ کا کہنا تھا کہ پاکستان میں کوویڈ 19 کے اعداد و شمار دیتے ہویے انہون نے مطلع کیا کہ صرف پاکستان میں کرونا کے کنفرم کیسز کی تعداد 10،513 ہے اور 224 افراد موت کے منہ میں جا چکے ہیں اور یہ اعداد و شمار تیزی سے بڑھ رہے ہیں۔

شاہ محمود قریشی کا یہ بھی کہنا تھا کہ ان تمام نامساعد حالات کے باوجود  پاکستان، دیگر ترقی پذیر ممالک کی طرح انسانی زندگیوں اور معیشت کو بچانے کیلئے پر عزم ہے۔

وزیرخارجہ نے کہا کہ ہم نے کرونا وبا کے پھیلاؤ کو روکنے کے لیے متعدد اقدامات اٹھائے ہیں اب تک 124،549 کرونا ٹیسٹ کیے گئے جبکہ 11000کرونا ٹیسٹ روزانہ کرنے کی اہلیت موجود ہےملک میں 52 لیبارٹریز ہیں اور مثبت کیسز کی شرح 8 فیصد ہے۔

شاہ محمود قریشی نے یہ بھی کہا کہ ہمارے پاس 70 ریپڈ رسپانس ٹیمیں ہیں جو انتہائی کم ہیں۔ہمارے ہاں ہر ایک ملین میں 506 اشخاص اس وائرس سے متاثر ہیں۔

وزیرخارجہ مخدوم شاہ محمود قریشی نے مزید کہا کہ کورونا وائرس پر قابو پانے کے سوا ہمارے پاس بچت کا کوئی راستہ نہیں اور انشا اللہ ہم مشترکہ کاوشوں سے اس وبا پر غلبہ حاصل کریں گے۔