وزیر اعظم عمران خان سے چیف آف آرمی سٹاف جنرل قمر جاوید باجوہ کی ملاقات ہوئی، جس میں وزیراعظم نے لاک ڈاون کے دوران ملک میں تعینات فوج اور سیکیورٹی اداروں کی کارکردگی کو سہراہا۔

ملاقات میں ملکی کی مجموعی سیکیورٹی اور داخلہ صورتحال پر مشاورت جبکہ کرونا سے ملک میں پیدا ہونے والی صورتحال اور اقدامات پر بات چیت کی گئی۔

اس موقع پرڈاکٹرز او رپیرا میڈیکل اسٹاف کے کوششوں کی بھی تعریف کی گئی جبکہ کرونا سے نمٹنے کیلیے امداد اور ریلیف کی وفاق سمیت چاروں گلگت بلتستان اور آزاد کشمیر میں تقسیم پر بھی بات چیت کی گئی۔

 ملاقات میں وزیراعظم کو  بھارت کی جانب ایل او سی پر جاری جارحیت پر بریفنگ دی گئی جبکہ ایل او سی پر بلا اشتعال فائرنگ ،شہری آبادی کو نشانہ بنانے اور پاک فوج کی جوابی کارروائی سے آگاہ کیا گیا۔

وزیر اعظم عمران خان سے چیف آف آرمی سٹاف جنرل قمر جاوید باجوہ کی ہونے والی ملاقات میں ڈی جی آئی ایس آئی لیفنٹیننٹ جنرل فیض حمید بھی شریک ہوئے ۔

یاد رہے کہ لائن آف کنٹرول پر بھارتی فورسز کی مسلسل سیز فائر معاہدے کی خلاف ورزیاں جاری ہیں جس کے نتیجے میں ایک بچہ شہید اور 4 شہری زخمی ہوگئے۔

پاکستان کا ایل او سی کی خلاف ورزی پر شدید احتجاج

پاک فوج کے شعبہ تعلقات عامہ (آئی ایس پی آر) کے مطابق گزشتہ 24گھنٹوں کے دوران بھارتی فورسز نے ایل او سی پر سیز فائر معاہدے کی خلاف ورزیاں کیں جن میں شہری آبادی کو نشانہ بنایا گیا۔

LOC Update Last 24 hours: Indian Army troops in total disregard to ceasefire agreement & international conventions initiated unprovoked ceasefire violations along LOC deliberately targeting civilian population in Baroh, Dhudnial, Rakhchikri and Chirikot Sectors… (1/3)

— DG ISPR (@OfficialDGISPR) April 13, 2020

ترجمان آئی ایس پی آر کے مطابق بھارتی فورسز نے بروہ ڈھڈنیال رکھ چکری اور  چری کوٹ سیکٹر پر بلاا شتعال فائرنگ کی اور مارٹر گولے برسائے جس کے نتیجے میں 2 سالہ بچہ محمد حسیب شہید اور خاتون سمیت 4 شہری زخمی ہوئے۔

ترجمان آئی ایس پی آر کا بتانا تھا کہ محمد حسیب ڈھنڈنیال سیکٹر پر بھارتی فوج کی گولہ باری سے شہید ہوا جب کہ بروہ، رکھ چکری، چری کوٹ سیکٹر پر ایک خاتون،72 سالہ بزرگ سمیت 4 شہری شدید زخمی ہوئے۔