پاکستان خیرات دینے والا دنیا کا سب سے بڑا ملک ہے جب کہ ملک میں جی ڈی پی کے 1.4 فیصد کے قریب خیرات کی جاتی ہے۔

عالمی جریدے ایشین ورلڈ نے پاکستان کوخیرات کرنے والا دنیا کا سب سے بڑا ملک قرار دے دیا، رپورٹ کے مطابق آبادی کے لحاظ سے پاکستان دنیا کا چھٹا بڑا ملک ہے اور غربت ملکی مسائل میں سے ایک بڑا مسئلہ ہے۔

رپورٹ میں کہا گیا ہے کہ  ملک کی آمدنی 2 ڈالر سے کم ہے جس کی وجہ سے پاکستان میں کثیر آبادی غربت کے مسائل سے دو چار ہونے کے باوجود صدقہ و خیرات کرنے میں سب سے آگے ہے۔

رپورٹ میں یہ بھی کہا گیا کہ اعداد وشمار کے مطابق پاکستان میں متعدد فلاحی اداروں کو صدقہ و خیرات کی رقم حوالہ کرتے ہیں جبکہ بعض طبقات براہ راست مستحقین تک امداد پہنچانے کو فوقیت دیتے ہیں اور ملک کے 67 فیصد مخیرحضرات انفرادی طور پر مستحق طبقات کی براہ راست مدد کرتے ہیں ۔

پاکستان ایک قابلِ ذکر حصہ خیرات دیتا ہے، امریکی تحقیقاتی رپورٹ

 رپورٹس میں مزید کاہ گیا کہ پاکستان میں 72 فیصد خیرات رمضان المبارک کے مقدس مہینہ میں کی جاتی ہے اور ملک کے دیگر شہروں کے مقابلہ میں کراچی میں سب سے زیادہ خیرات کی جاتی ہے جبکہ دیگر 33 فیصد مخیر حضرات اپنے صدقات و خیرات کی تقیسم کیلیے فلاحی اداروں کو ترجیح دیتے ہیں۔

واضح رہے اس سے قبل امریکی تحقیقتی رپورٹ کا کہنا تھا کہ پاکستان اپنی مجموعی ملکی پیداوار کا ایک قابلِ ذکر حصہ خیرات میں دیتا ہے۔

رپورٹ کے مطابق غریب اور مستحقین کی مدد میں پاکستان برطانیہ اور کینڈا سے بھی آگئے نکل آیا۔

امریکی یونیورسٹی اسٹینفورڈ میں کی گئی تحقیق کے مطابق پاکستان اپنی مجموعی ملکی پیداوار کا ایک قابلِ ذکر حصہ خیرات میں دیتا ہے جبکہ  ایک  اور تحقیق کے مطابق  پاکستان میں98 فیصد پاکستانی یا تو چندہ اور خیرات دیتے ہیں یا فلاحی کاموں میں اپنا وقت لگاتے ہیں۔