وزیر اعظم کے معاون خصوصی برائے قومی سلامتی معید یوسف نے کہا ہے کہ دنیا بھر میں کورونا وباء سے ایک لاکھ 60 ہزار اموات ہو چکی ہیں۔

تفصیلات کے مطابق وزیر اعظم کے معاون خصوصی برائے قومی سلامتی معید یوسف نے پریس کانفرنس سے خطاب کرتے ہوئے کہا کہ دنیا بھر میں 23 لاکھ 32 ہزار افراد کورونا وباء سے متاثرہ ہیں جبکہ وباء سے ایک لاکھ 60 ہزار اموات ہو چکی ہیں۔

معید یوسف نے کہا کہ پاکستان مین کورونا سے متاثرہ افراد. کی تعداد 7993 ہے جبکہ ملک میں159 اموات ابھی تک کورونا کی وجہ سے ہو چکی ہیں اور ملک میں1867 افراد صحتیاب ہو چکے ہیں۔

وزیر اعظم کے معاون خصوصی برائے قومی سلامتی نے یہ بھی کہا کہ ہاکستان کی اموات کی شرح 1.9 فیصد ہے جبکہ دنیا میں یہ شرح کافی زیادہ ہے، آنے والے دنوں میں اموات کی تعداد میں اضافہ ہو سکتا ہے۔

معید یوسف کا کہنا تھا کہ پاکستان میں 63 فیصد کورونا وائرس کی ٹرانسمیشن مقامی ہےجبکہ کورونا سے وفات پانے ولے 80 فیصد افراد دیگر بیماریوں میں بھی مبتلاء ہیں۔

پاکستان نے مشرقی اور مغربی بارڈز کی بندش میں توسیع کردی، معید یوسف

وزیر اعظم کے معاون خصوصی برائے قومی سلامتی کا یہ بھی کہنا کہ ہم متاثرہ افراد کی از خود ٹسٹ کرانے کی صلاحیت بڑھانےکی کوشیش کر رہے ہیں جبکہ ہم نے گذشتہ روز سے طورخم کا زمینی بارڈر کھول دیا ہے۔

معید یوسف کا کہنا تھا کہ متحدہ عرب امارات میں بڑی تعداد میں پاکستانی پھنسے ہوئے ہیں،16 سے 17 پروازیں متحدہ عرب امارات سے پاکستانیوں کو واپس لائیں گیااور ان میں مزدور طبقہ اور وہ لوگ شامل ہیں جن کی ملازمتیں ختم ہو چکی ہیں۔

معید یوسف کا یہ بھی کہنا تھا کہ اس ہفتے چھ ہزار پاکستانیوں کو وطن واپس لایا جاے گا،دیگر ممالک کی ائیرلاین کو بھی جلد اس آپریشن میں شامل کیا جاے گا۔

وزیر اعظم کے معاون خصوصی برائے قومی سلامتی معید یوسف کا مزید کہنا تھا کہ ترکی میں پاکستانی پھنسے ہیں ان کو واپس لانے کی کوشیش جاری ہےجبکہ باہر سے آنے والے پاکستانی 48 گھنٹے کوارینٹائن میں گزاریں گے اور اس کے بعد ٹسٹ مثبت آنے والوں کو کوارینٹائن میں رکھا جائے گا باقیوں کو گھو بھیج دی جائے گا۔