پاکستان کی جانب سے بھارت میں بڑھتے اسلام دشمن واقعات پر او آئی سی کو آگاہ کر دیا گیا ہے۔

اقوام متحدہ میں پاکستان کے مستقل مندوب منیراکرم نے بھارت میں بڑھتے اسلام دشمن واقعات پر او آئی سی کو آگاہ کرتے ہوئے او آئی سی ممالک کو خطوط ارسال کیے ہیں۔

بھارتی فوج کی سیز فائر کے خلاف ورزیاں، بچی سمیت4 افراد شہید

خط میں ہندو انتہا پسند آر ایس ایس اور بے جی پی کی سیاست سے آگاہ کیا گیا ہے جبکہ مستقل مندوب منیر اکرم نے بھارت میں بسے مسلمانوں کے متعلق کہا ہے کہ بھارت میں مسلمانوں کی جان اور مال کو شدید خطرات لاحق ہیں۔

منیراکرم نے اپنے خط  کے ذریعے او آئی سی کو بتایا  ہے کہ بھارت انتہا پسند رویے سے مسلم شناخت کا خاتمہ کرنے پر تلا ہے۔

یاد رہے کہ اس سے قبل آئی ایس پی آر کے مطابق بھارتی فوج کی لائن آف کنٹرول پر مسلسل سیز فائر کے خلاف ورزیوں کے نتیجے میں بچی اور خاتون سمیت تین شہید ہوگئے ہیں جبکہ پاک فوج کی بھرپور جوابی کارروائی کے نتیجے میں بھارتی فوج کو بھاری جانی نقصان پہنچا ہے۔

آئی ایس پی آر کی اطلاعات کے مطابق بھارتی فوج کی لائن آف کنٹرول پر اشتعال انگیزیوں کا سلسلہ بدستور جاری ہے، بھاری فوج نے کیلر اور رکھ چکری سیکٹروں پر بلا اشتعال فائرنگ کی۔

ترجمان کے مطابق کیلر سیکٹر پر بھارتی فوجیوں نے پاک فوج کی چوکیوں کو بھاری ہتھیاروں سے نشانہ بنایا جبکہ پاک فوج کی بھرپور جوابی کارروائی میں بھارتی فوج کو بھاری جانی نقصان اٹھانا پڑاہے۔

بھارتی فوج کی فائرنگ سے 34 سالہ لانس نائیک علی باز شہید ہوگئے، ترجمان کے مطابق رکھ چکری سیکٹر پر بھارتی فوج نے جان بوجھ کر شہری آبادی پر فائرنگ کی، جس کے نتیجے میں کیرنی گاؤں کی 16سال لڑکی اور 52 سالہ خاتون شہید ہوگئیں جبکہ بھارتی فائرنگ سے 10 سالہ بچہ اور 55سالہ خاتون زخمی ہوگئے ہیں۔

واضح رہے کہ پاک فوج نے چند روز قبل بھارتی کنٹرول لائن پر بھارتی ڈرون مار گرایا تھا، بھارتی ملٹری کا کواڈ کاپٹر پاکستانی حدود کے 600 میٹر اندر گھس آیا تھا جس پر پاک فوج نے کارروائی کی۔