وزارت انسانی حقوق نے معزور افراد کو کورونا وائرس سے بچاؤ کے حوالے سے اپنے سوشل میڈیا اکائونٹ پر گائیڈ لائنز جاری کردیں۔

 وزارت انسانی حقوق کی طرف سے جاری بیان کے مطابق کویڈ19 کے دوران معزور افراد کو خصوصی توجہ کی ضرورت ہے اس لئے ضروری ہے کہ ایسی مددگار اشیاء جن میں جو عوامی مقامات پر  استعمال کی جاتی ہیں جن میں سفید چھڑی،وہیل چیئر، منتقلی بورڈ وغیرہ شامل ہے انھیں جراثیم کش ادویات سے صاف کیا جائے ۔

وزارت انسانی حقوق کی طرف سے جاری بیان میں یہ بھی کہا گیا کہ اس کے علاوہ اگر آپ دیکھ بھال کیلئے معزور افراد کسی پہ انحصار کرتے ہیں تو انکے نہ پہنچنے یا بیمار ہونے کی صورت میں کوئی متبادل ھونا چاہئے۔

گائیڈ لائینز کے مطابق معزور افراد اس بات کو یقینی بنائیں کہ جن لوگوں پر آپ دیکھ بھال کیلئے انحصار کرتے ہیں ان کو آپ کے بارے میں درست معلومات ہوں ،اس علاوہ معزور بچوں کو ٹیلیفون کالز، ٹیکسٹ میسج اور سوشل میڈیا کے استعمال میں کھیلنے ، پڑھنے اور دوستوں سے بات چیت رکھنے کی تر غیب دیں اور یہ گائیڈ لائنز وزارت انسانی حقوق کے  سوشل میڈیا اکاونٹ پر بھی جاری کردی گئی ہیں۔

ملک میں کورونا سےمزید8 اموات،ہلاکتیں 256، مجموعی کیسز12ہزارسے تجاوز کرگئے

یاد رہے کہ ملک میں آج اب تک کورونا وائرس سے مزید 8 افراد جاں بحق ہوگئے جس کے بعد ہلاکتوں کی مجموعی تعداد 256 ہوگئی ہے جب کہ مزید نئے کیسز سامنے آنے سے مصدقہ مریضوں کی تعداد 12227 تک جا پہنچی ہے۔

256 ہلاکتوں میں سے اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 89 افراد انتقال کرچکے ہیں۔

اس کے علاوہ سندھ میں 78 ، پنجاب میں 73، بلوچستان میں 10 جب کہ گلگت بلتستان اوراسلام آباد میں تین، تین افراد اس مہلک وائرس کے باعث ہلاک ہوئے۔