وزیراعلیٰ سندھ سید مراد علی شاہ نے بتایا ہے کہ  صوبے بھر میں اس وقت 4236 مریض زیر علاج ہیں۔

تفصیلات کے مطابق وزیراعلیٰ سندھ سید مراد علی شاہ نے کورونا وائرس کی صورتحال پر وڈیو پیغام کے ذریعے آگاہ کیا ہے کہ اور بتایا کہ صوبے بھر میں اس وقت 4236 مریض زیر علاج ہیں۔

وزیراعلیٰ سندھ سید مراد علی شاہ نے بتایا ہے کہ سندھ حکومت نے کورونا وائرس کےکل 4112 ٹیسٹ کیے گئے ہیں جس کے نتیجے میں 335 نئے کیسز سامنے آئے جو کیے گئے ٹیسٹ کا 8.15 فیصد ہے۔

وزیراعلیٰ سندھ سید مراد علی شاہ نے کہا کہ سندھ میں کورونا انفیکشن ریٹ 11 اور 12 سے کم ہوکر 8.15 فیصد ہوا ہے، جو اچھی بات ہے جبکہ سندھ میں کورونا وائرس کے مریضوں کی تعداد 5291 ہوگئی ہے۔

ڈاکٹرز اور پیرا میڈیکل اسٹاف کا کورونا سے متاثر ہونے کا سلسلہ جاری

انہوں نے بتایا کہ آج 37 مریض صحتیاب ہوکر اپنے گھروں کو چلے گئے اور اس طرح صحتیاب ہونے والے کُل مریضوں کی تعداد 963 ہوگئی ہے جبکہ گزشتہ 24 گھنٹوں میں کورونا وائرس کے 7 مریض جان کی بازی ہار گئے ہیں۔

ان کا کہنا تھا کہ کورونا کے باعث انتقال کرنے والوں کی تعداد 92 ہوگئی ہے، جو کل مریضوں کا 1.73 فیصد ہے اور صوبے بھر میں اس وقت 4236 مریض زیرعلاج ہیں۔

سید مراد علی شاہ  نے کہا کہ کورونا کے 2915 مریض گھروں میں آئیسولیٹ ہیں، آئیسولیشن مراکز میں 872 مریض جبکہ 449 مریض اسپتالوں میں زیرعلاج ہیں۔

کورونا کے 35 مریضوں کی حالت تشویشناک ہے جبکہ 13 وینٹی لیٹرز پر ہیں اور سب سے زیادہ 258کورونا کے نئے مریض شہر کراچی میں رپورٹ ہوئےہیں جبکہ ضلع جنوبی کراچی میں 89، ضلع شرقی میں 53 اور ضلع وسطی میں 43 نئے کورونا کے مریض رپورٹ ہوئے، ضلع غربی میں 24، کورنگی میں 28، ملیر میں 21 نئے کورونا کے مریض سامنے آئے ہیں۔

حیدرآباد میں 17، جیکب آباد میں 10، سکھر اور شکارپور میں 7-7 نے مریض رپورٹ ہوئے ہیں،شہید بینظیرآباد اور ٹنڈو محمد خان میں 6-6،  لاڑکانہ اور سانگھڑ  میں 5-5، دادو میں 3 اور نوشہروفیروز میں ایک مریض رپورٹ ہوئے ہیں۔