کورونا وائرس کی اس عالمی جنگ میں لڑنے کے لئے پوری دنیا پاکستان کی مدد کے لئے آگے آرہی ہے اور برطانیہ بھی میدان میں آگیا ہے۔

تفصیلات کے مطابق برطانیہ کی جانب سے کورونا وائرس کی اس جنگ میں لڑنے کے لئے امریکہ کے بعد برطانیہ بھی پاکستان کی مدد کے لئے سامنے آیا ہے اور باقاعدہ اعلان کیا گیا ہے کہ پاکستان کو 26 لاکھ 70 ہزار پاؤنڈ دیئے جائیگے۔

پاکستان میں تعینات برطانوی ہائی کمشنر ڈاکٹر کرسچن ٹرنر نے اردو زبان میں ویڈیو بیان دیتے ہوئے کہا کہ اس وقت ایک غیر معمولی صورتحال ہے، اور پوری دنیا میں کروڑوں لوگ کورونا سے متاثر ہو چکے ہیں، اسی غیرمعمولی صورتحال کی وجہ سے ہم اپنے برتاؤ میں تبدیلی لا رہے ہیں۔

New 🇬🇧support for 🇵🇰 response to #Covid_19 – mushkil waqt mein dost hi hamara saath dehte hain pic.twitter.com/eB4R5skD4B

Advertisement

— Christian Turner (@CTurnerFCDO) April 18, 2020

پاکستان کے لئے امدادی رقم کا اعلان کرتے ہوئے برطانوی ہائی کمشنرکا کہنا تھا کہ مشکل وقت میں دوست ہی ہمارا ساتھ دیتے ہیں، سماجی فاصلے ہونے کے باوجود ہم اکٹھے ہیں، مجھے یقین ہے کہ پاکستان کورونا جیسے مسئلے سے باہر نکلنے کی صلاحیت رکھتا ہے۔

کراچی کے گنجان آباد علاقوں میں کیسز بڑھنا تشویشناک بات ہے،  وزیراعلیٰ سندھ

انہوں نے کہا ہے کہ برطانیہ کی جانب سے مالی مدد سے پاکستان کو وائرس سے نمٹنے اور لوگوں کو بچانے میں مزید مدد ملے گی۔

یاد رہے کہ اس سے قبل کورونا کے خلاف جنگ میں  امریکہ کا پاکستان کے ساتھ تعاون جاری  ہے  جس کا ثبوت  یہ ہے کہ امریکا کی جانب سے پاکستان کو کورونا  وائرس سے نمٹنے کیلئے 80 لاکھ امریکی ڈالرز سے زائد کی امداد دینے  کا اعلان کردیا گیا ہے۔

پاکستان میں امریکی سفیر پال جونز نے اپنے ویڈیو پیغام میں  اعلان کیا ہے  کہ امریکا کی جانب سے پاکستان کو کورونا  وائرس سے نمٹنے کیلئے 80 لاکھ امریکی ڈالرز سے زائد کی امداد فراہم  کی جائیگی۔

امریکی سفیر پاول جونز کا کہنا تھا کہ  امریکہ وائرس کے پھیلاؤ کو روکنے کیلئے پاکستان  کو 3 موبائل لیبز بھی فراہم کر رہا ہےجو کہ ٹیسٹنگ اور ٹریٹمینٹ سہولیات سے لیس ہونگی۔

خیال رہے کہ کورونا وائرس سے نمٹنے کے آئی ایم ایف نے پاکستان کے لیےایک ارب 38 کروڑ ڈالرز کے ریلیف پیکیج کی منظوری دے دی گئی ہے جبکہ دوسری جانب شرح سود میں کمی کے بعد اسٹاک مارکیٹ میں زبردست تیزی دیکھی گئی جبکہ ڈالر کے مقابلے میں روپیہ بھی تگڑا ہوگیا۔۔ انٹربینک میں ڈالر تین روپے سستا ہوگیا۔