وزیراعلیٰ سندھ سید مراد علی شاہ نے کہا ہے کہ اس وقت سندھ بھر میں 4956مریض زیر علاج ہیں۔

تفصیلات کے مطابق وزیراعلیٰ سندھ سید مراد علی شاہ کاکورونا وائرس کی صورتحال پر کابینہ کو بریفنگ دی گئی جس میں  کورونا سے انتقال ہونے والے افراد کیلئے دعائے مغفرت کی گئی اور کورونا کے مریضوں کی جلد صحت یابی کیلئے دعا بھی کی گئ۔

وزیراعلیٰ سندھ سید مراد علی شاہ نے بتایا کہ آج 2733  ٹیسٹ کیے گئے، اس طرح ٹیسٹوں کی کل تعداد 43949 ہوگئی ہے جبکہ آج 341 نئے کیسز سامنے آئے ہیں۔

انہوں نے بتایا کہ آج مزید  4کورونا کے مریض انتقال کرگئے جس سے مرنے والوں کی تعداد 85 ہوگئی جبکہ 4956 مریض زیرعلاج ہیں جن میں 24 کی صورتحال خراب ہے اور ان م ییں سے 16 مریضوں کو وینٹی لیٹرز پر رکھا گیا ہے۔

فطرہ، فدیہ صوم اور کفارہ صوم کا اعلان

مراد علی شاہ نے بتایا کہ 2705 مریض گھروں میں زیرعلاج ہیں جبکہ 825 آئیسولیشن مراکز میں زیرعلاج  ہیں۔

انہوں نےبتایا کہ ضلع شرقی کراچی میں 90، ضلع جنوبی میں 50 اور کورنگی میں 40 میں نئے کیسز سامنے آئے جبکہ ملیر میں 30 ، ضلع وسطی میں 20 ، حیدرآباد اور لاڑکانہ میں 12 – 12 کیسز رپورٹ ہوئے ہیں اور خیرپور میں 23،  گھوٹکی 8، سکھر  4 اورمٹیاری 2 نئے کورونا کے کیسز سامنے آئے ہیں۔

وزیراعلیٰ سندھ نے کابینہ کو بتایا کہ مریضوں کے بڑھنے کی باعث ہم بسترے بڑھار ہے ہیں اور ایکسپو سینٹر میں 1200 سے بڑھا کر 1500 بسترے کرنے کا فیصلہ کیا ہے۔

 انہوں نے بتایا کہ پی اے ایف میوزیم سائٹ پر 600  اور گڈاپ اسپتال 150بستروں کااضافہ کیا ہے اور دمبا گوٹھ اسپتال 120 بستروں کا مرکز قائم کرنے کا فیصلہ کیا جبکہ بستروں کا فیلڈ آئیسولیشن سینٹر ہر ضلع میں قائم کرنے کا فیصلہ کیا ہے۔

کابینہ نے کورونا کی وباء کے پھلنے کے افسوس میں ایک منٹ کی خاموشی بھی اختیار کی۔