پنجاب میں کرونا وائرس  کے مزید 44کیسز کی تصدیق ہوگئی جس کے بعد صوبے بھر میں متاثرہ افراد کی تعداد 3276 ہو گئی ہے۔

تفصیلات کے مطابق وزیراعلیٰ پنجاب سردار عثمان بزدار  نے سماجی رابطے کی وین سا ئٹ ٹویٹر پر اپنے ایک پیغام میں کہا کہ پنجاب میں کرونا وائرس متاثرہ مریضوں کی تعداد تین ہزار سے تجاوز کر گئی ہے۔

Punjab’s #COVID19 status as on 16th April:
Total Tests Conducted: 48,381

Advertisement

Positive cases: 3,276
Zaireen in quarantines: 701
Members of Tableeghi Jama’ats: 1,257
Jail prisoners: 91
Non-Quarantined cases: 1227
Recovered: 630

Advertisement

Deaths: 35
Critical Patients: 17#PunjabCoronavirusUpdate

— Usman Buzdar (@UsmanAKBuzdar) April 16, 2020

اپنے پیغام میں وزیر اعلیٰ پنجاب سردار عثمان بزدارنے کہا کہ پنجاب میں جاں بحق افراد کی تعداد35 ہے جبکہ 17افراد کی حالت تشویشناک ہےاور پنجاب میں اب تک صحتیاب ہونےوالوں کی تعداد630ہے۔

وزیراعلیٰ پنجاب عثمان بزدارنے مزید کہا کہ پنجاب میں مجموعی طور پر48ہزار381ٹیسٹ کیے گئے جن میں سے پنجاب میں 701زائرین قرنطینہ میں ہیں، تبلیغی جماعت کے1257افرادقرنطینہ میں ہیں اور جیلوں میں 91قیدی کوروناوائرس کا شکار ہیں۔

واضح رہے اس سے قبل لاہور میں پریس کانفرنس کرتے ہوئے ڈاکٹر یاسمین کا کہنا تھا کہ اب تک پنجاب میں 34 اموات ہو چکی ہیں اور 13 مریض تشویشناک حالت میں ہے اور اس وقت پنجاب میں 3 ہزار 259 مریض کورونا کے کنفرم ہیں۔

انہوں نے بتایا کہ پنجاب میں اب تک 630 مریض اب تک پنجاب میں ریکور کر چکے ہیں اور اب تک پنجاب میں 46ہزار ٹیسٹ کئے جا چکے ہیں جبکہ اگلے ہفتے سے گلی محلوں اور کمیونٹی کی سطح پر بھی دس ہزار ٹیسٹ کئے جائیں گے۔

ڈاکٹرز کے احتجاج کے متعلق ان کا کہنا تھا حفاظتی سامان تو سب ڈاکٹرز کو مل رہا ہے لیکن اب وہ اپنے ڈاکٹرز بحال کرنے لئے دھرنہ دے کر بیٹھ گئے ہیں۔

ڈاکٹڑ یاسمین راشد کا کہنا تھا کہ  جو لوگ فرنٹ لائن پر کورونا وائرس کے خلاف کام کر رہے ہیں ان کی تنخواہ کو ڈبل کیا جائے گا جبکہ لاک ڈاون اور سوشل ڈسٹنس سے ہمیں بہت فائدہ ہوا ہے۔