ملک میں کورونا وائرس کے مزید 383 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 7399 تک پہنچ گئی ہے۔

تفصیلات کے مطابق ملک میں کورونا وائرس کے آج مزید 383 فراد میں مہلک وائرس کی تشخیص ہوئی جن میں سندھ سے 236 ، پنجاب میں 90، بلوچستان میں 41جبکہ گلگت بلتستان میں 5 اور اسلام آباد میں 9  جبکہ آزاد کشمیر میں 2 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 2217 ، بلوچستان میں 346 ، خیبرپختونخوا میں 993 ،اسلام آباد میں 154 ، گلگت بلتستان میں 250 ، پنجاب میں 3391 اور آزاد کشمیر میں 48 مریض موجود ہے۔

یاد رہے کہ آج  صوبہ سندھ میں کورونا وائرس سے متاثر 5 مریضوں کے صحتیاب ہونے کی تصدیق ہوئی جس کے بعد صوبے بھر میں کورونا سے صحتیاب مریضوں کی کل تعداد 581 جبکہ ملک بھر میں اب تک کرونا وائرس سے صحت یاب ہونے والوں کی مجموعی تعداد 1821 ہوگئی۔

کورونا وائرس : ہلاکتوں کی تعداد ڈیڑھ لاکھ کے قریب پہنچ گئی

 اعداد وشمار کے مطابق پاکستان میں مہلک وائرس سے اب تک 1821 افراد صحتیاب ہوچکے ہیں جن میں سے 581 مریضوں کا تعلق سندھ، 192 مریضوں کا تعلق گلگت بلتستان، 20 مریضوں کا تعلق اسلام آباد، 205 مریضوں کا تعلق خیبر پختونخوا ،142 مریضوں کا تعلق بلوچستان اور 672 مریضوں کا تعلق پنجاب سے جبکہ 9 مریضوں کا تعلق آزاد کشمیر سے ہے۔

دوسری جانب آج سندھ میں کورونا سے 2 اور پنجاب میں کورونا سے 1 اموات ہوئی جس کے ملک بھر کورونا وائرس سے جاں بحق افراد کی مجموعی تعداد 137 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 47 ، بلوچستان میں 5 ، خیبرپختونخوا میں 45 ، اسلام آباد میں 1، گلگت بلتستان میں 3 ، پنجاب میں 36 افراد جان کی بازی ہار چکے ہیں۔