وفاقی وزیر اسد عمر نے کہا ہے کہ قانون کے خلاف ورزی کرنے والوں کو کوئی بھی اور کسی قسم کی  معافی نہیں دی جاسکتی ہے۔

تفصیلات کے مطابق وفاقی وزیر اسدعمر کی میڈیا سے گفتگو کرتے ہوئے کہا ہے کہ  کابینہ نے آئی پی پیز سے متعلق  رپورٹ جاری کرنےکا فیصلہ کیا ہے کیونکہ شفافیت کو یقینی بنانا حکومت کی اولین ترجیح ہے۔

 انہوں نے کہا کہ بجلی منصوبوں میں بےضابطگی کے تعین کے لیےا نکوائری کمیشن بنایا جا رہا ہے جبکہ کمیشن کے پاس فرانزک آڈٹ یا کسی بھی تحقیقات کرانے کا اختیار ہوگا۔

ان کا کہنا تھا کہ  رپورٹ میں جن منصوبوں کا ذکر ہے،ایک بھی ہمارے دور کا نہیں ہے۔

مسابقتی کمیشن کے سربراہ کو عہدے سے ہٹانے کا فیصلہ

دوسری جانب میڈیا بریفنگ کرتے ہوئے ڈاکٹر فردوس عاشق اعوان کا کہنا تھا کہ وزیراعظم کی زیرصدارت کابینہ اجلاس میں مسابقت کمیشن کی چیئرپرسن کوعہدےسےہٹانےکافیصلہ کیاہے جس  کی منظوری دے دی ہے اور ساتھ ہی مسابقتی کمیشن کی تنظیم نو کا بھی فیصلہ کیاگیا ہے۔

 انہوں نے کہا کہ وزیراعظم کی زیرصدارت کابینہ اجلاس میں تعمیراتی صنعت کیلئے اسلام آباد میں سیلزٹیکس کے خاتمے کی منظوری  بھی دی ہے۔

 فردوس عاشق اعوان کہتی ہیں کہ حکومت نے پاورسیکٹرسےمتعلق انکوائری رپورٹ پبلک کرنے کی منظوری دیدی ہے۔

یاد رہے کہ اس سے قبل وفاقی کابینہ نے پاور سیکٹر کی انکوائری رپورٹ پبلک کرنے کی منظوری دے دی، وزیرِ اعظم عمران خان نے انکوائری رپورٹ پر کمیشن بنانے کی ہدایت بھی کر دی۔

وزیراعظم عمران خان کی زیرصدارت وفاقی کابینہ کے اجلاس میں تعمیراتی شعبے کو سیلز ٹیکس کی چھوٹ دینے کی منظوری دی گئی ۔

ذرائع کے مطابق وزیرِ اعظم  کی زیرِ صدارت وفاقی کابینہ کا اجلاس ختم ہوگیا ہے، کابینہ اجلاس میں 5 نکاتی ایجنڈے پر بات ہوئی۔

 کابینہ نے ریٹائرمنٹ کے بعد سرکاری رہائشگاہ سے متعلق پالیسی پر نظرثانی کی بھی منظوری دی، وقت سے پہلے ریٹائر ہونے والے ملازمین 6 ماہ سے زیادہ سرکاری رہائش استعمال نہیں کر سکیں گے۔