کراچی میں پولیس اہلکار خود ڈبل سواری پر رواں دواں

وریشہ مسعود

19th Apr, 2020. 06:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں پولیس اہلکار خود ڈبل سواری پر رواں دواں

کراچی میں ڈبل سواری پر پابندی کے باوجود پولیس اہلکار اور ٹریفک پولیس خود خلاف ورزی کررہے ہیں۔

تفصیلات کے مطابق کراچی پولیس اور ٹریفک پولیس اہلکار موٹر سائیکل ڈبل سواری پر عام شہریوں کو گرفتار کر رہے ہیں لیکن خود پولیس اہلکار اپنے ہی ایڈیشنل آئی جی کے احکامات ہوا میں اڑا رہے ہیں۔

ذرائع کا کہنا ہے کہ صحافی ، بزرگ شہری،خواتین اور دیگر افراد کو موٹر سائیکل ڈبل سواری بند ہونے کے باعث مشکلات کا سامنا ہے۔

یاد رہے گزشتہ روز محکمہ داخلہ سندھ نے پولیس اہلکار وں اور صحافیوں پر بھی ڈبل سواری کی پابندی عائد کردی تھی۔

پولیس اہلکاروں اور صحافیوں پر بھی ڈبل سواری کی پابندی عائد

کراچی میں ڈبل سواری کے حوالے سے محکمہ داخلہ سندھ نے بڑا فیصلہ کرتے ہوئے صحافیوں اور پولیس اہلکاروں کو بھی ڈبل سواری کی اجازت سے محروم کردیا تھا۔

کراچی پولیس چیف غلام نبی میمن کا کہنا تھا کہ پولیس اہلکار ہو ں یا صحافی کسی کو بھی ڈبل سواری کی اجازت نہیں ہوگی۔پچھلے تمام حکم نامے تاحکم ثانی معطل کردیئے گئے ہیں۔

غلام نبی میمن نے مزید کہا تھا کہ خلاف ورزی کرنے والوں کے خلاف کارروائی کی جائے گی،پولیس اہلکار بھی ڈبل سواری کی خلاف ورزی نہ کریں۔