ملک میں کورونا وائرس کے مزید 696 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 7018 تک پہنچ گئی ہے۔

تفصیلات کے مطابق ملک میں کورونا وائرس کے آج مزید 696 فراد میں مہلک وائرس کی تشخیص ہوئی جن میں سندھ سے 340 ، پنجاب میں 260، بلوچستان میں 25، خیبرپختونخوا میں 58 جبکہ گلگت بلتستان میں 8 اور اسلام آباد میں 5 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 2008 ، بلوچستان میں 305 ، خیبرپختونخوا میں 993 ،اسلام آباد میں 145 ، گلگت بلتستان میں 245 ، پنجاب میں 3276 اور آزاد کشمیر میں 46 مریض موجود ہے۔

یاد رہے اس سے قبل ترجمان محکمہ صحت سندھ سے جاری کردہ بیان میں کہا گیا ہے کہ کراچی سے کورونا وائرس کے 70 مزید کیسز سامنے آ گئے جن میں سے شہید بے نظیر آباد کے 58 مقامی شہریوں میں کورونا وائرس کی تصدیق ہوئی ، گھوٹکی میں کورونا وائرس کے 96 جبکہ سکھر سے 52 مریض سامنے آ گئے۔

ترجمان محکمہ صحت سندھ کا یہ بھی کہنا تھا کہ حیدرآباد اور جامشورو سے 8 ، 8 مقامی شہریوں میں کورونا وائرس کی تصدیق ،سانگھڑ میں 12 کورونا وائرس کے کیسز رپورٹ ہوئے ہیں، جبکہ لاڑکانہ میں 11،دادو میں 10،ٹنڈو آلہ یار میں 4،ٹنڈو محمد خان میں 1، سجاول میں 5،نوشہرہ فیروز میں 3 اور بدین میں کورونا وائرس کے مزید 2 کیسز سامنے آ گئے ہیں۔

دوسری جانب وزیراعلیٰ پنجاب سردار عثمان بزدار  نے سماجی رابطے کی وین سا ئٹ ٹویٹر پر اپنے ایک پیغام میں کہا کہ پنجاب میں کرونا وائرس متاثرہ مریضوں کی تعداد تین ہزار سے تجاوز کر گئی ہے۔

ملک میں کورونا وائرس کے افراد کی تعداد 5500 سے تجاوز

اپنے پیغام میں وزیر اعلیٰ پنجاب سردار عثمان بزدارنے کہا کہ پنجاب میں جاں بحق افراد کی تعداد35 ہے جبکہ 17افراد کی حالت تشویشناک ہےاور پنجاب میں اب تک صحتیاب ہونےوالوں کی تعداد630ہے۔

Punjab’s #COVID19 status as on 16th April:
Total Tests Conducted: 48,381

Advertisement

Positive cases: 3,276
Zaireen in quarantines: 701
Members of Tableeghi Jama’ats: 1,257
Jail prisoners: 91
Non-Quarantined cases: 1227
Recovered: 630

Advertisement

Deaths: 35
Critical Patients: 17#PunjabCoronavirusUpdate

— Usman Buzdar (@UsmanAKBuzdar) April 16, 2020

اسی عرصے میں بلوچستان میں 25 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 305 ہوگئی ہے جبکہ محکمہ اطلاعات خیبرپختونخوا نے اپنے ایک بیان میں کہا کہ خیبرپختونخوا میں 58 افراد میں کوروناوائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 993 ہوگئی ہے ۔

دریں اثناء آج گلگت بلتستان میں کرونا وائرس کے مزید 8 کیسز کی تصدیق ہوئی ہے جس کے بعد صوبے بھر میں کورونا کے کیسز کی تعداد 245 ہوگئی ہے۔