صوبہ سندھ میں لاک ڈاؤن کی خلاف ورزی پر پولیس  کی کارروائیوں کا سلسلہ جاری ہے۔

تفصیلات کے مطابق صوبہ سندھ میں لاک ڈاؤن  کے چونتیسویں روز لاک ڈاؤن کی خلاف ورزی کرنے پر پولیس مزید 203 افراد  کو گرفتار  کرلیا ہے جبکہ   57 مقدمات درج ہوئے ہیں۔

صوبے  بھر میں لاک ڈاؤن کی خلاف ورزی پر گرفتاریوں  کی مجموعی تعداد 8 ہزار 900 سے تجاوز کرگئی ہے۔

پولیس سے ملنے والے اعدادوشمار کے مطابق گرفتار ملزمان کی تعداد 8 ہزار 956 ہوگئی ہے جبکہ  صوبے میں لاک ڈاؤن کی خلاف ورزی پر درج ہونے والے مقدمات کی تعداد 2 ہزار 868 تک جا پہنچی ہے۔

لاک ڈاؤن کے چونتیسویں روز کراچی سے 64 افراد کو گرفتار کیا گیا ہے جبکہ  گرفتار ملزمان کے خلاف 23 مقدمات درج ہوئے ہیں۔

حیدر آباد میں 16 افراد کو گرفتار کیا گیا جن پر 9 مقدمات قائم  کیے گئے ہیں۔اسی طرح  میرپور خاص میں 6 افراد گرفتار اور ان پر 4 مقدمات بنائے گئے ہیں۔

سکھر میں لاک ڈاؤن کی خلاف ورزی پر 20 افراد کو گرفتار اور ان کے خلاف 3 مقدمات درج کیے گئے ۔

جبکہ لاڑکانہ میں لاک ڈاؤن کی خلاف ورزی پر 97 افراد کو گرفتار کیا گیا ہےجبکہ  گرفتار افراد کے خلاف 13 مقدمات درج کیے گئے ہیں۔

بے نظیر آباد میں چونتیسویں روز پھر کوئی گرفتاری عمل میں نہ آئی اور نہ ہی کوئی مقدمہ درج کیا گیا۔