ملک میں کورونا وائرس کے مزید 324 فراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 5362 تک پہنچ گئی ہے۔

تفصیلات کے مطابق ملک میں کورونا وائرس کے آج مزید 324 فراد میں مہلک وائرس کی تشخیص ہوئی جن میں سندھ سے 93 ، پنجاب میں 169، بلوچستان میں 2 خیبرپختونخوا میں 47 گلگت بلتستان میں 8 اور آزاد کشمیر میں 5 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 1411 ، بلوچستان میں 230 ، خیبرپختونخوا میں 744 ،اسلام آباد میں 119 ، گلگت بلتستان میں 224 ، پنجاب میں 2594 اور آزاد کشمیر میں 40 مریض موجود ہے۔

یاد رہے اس سے قبل ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 93  کیسز سامنے آئے ہیں جس کے بعد صوبے میں کل کیسز کی تعداد 1411 تک پہنچ گئی جبکہ ملک بھر میں کرونا سے متاثرہ افراد کی تعداد 5000 سے تجاوز کر گئی ہے۔

ترجمان محکمہ صحت سندھ نے کہا تھا کہ آج کراچی میں کورونا وائرس کےمزید 54 مریض سامنےآ گئے ، تمام افراد رابطوں کے زریعے کورونا وائرس سے متاثر ہوئے جبکہ کراچی سے 59 سالہ مرد جبکہ 64 سالہ خاتون زندگی کی بازی ہار گئی جس کے بعد سندھ میں کورونا وائرس کی وجہ سے 30 اموات ہو چکی ہیں ۔

محکمہ صحت سندھ کی ترجمان کا یہ بھی کہنا تھا کہ سکھر سے 3 زائرین کو صحتیابی کے بعد ڈسچارج کر دیا گیا ہے جبکہ کراچی سے کورونا وائرس کے 15 مریض صحتیاب ہوئے ہیں جس کے بعد سندھ سے اب تک 3 سو 89 مریض صحتیاب ہو چکے ہیں۔

ملک میں کورونا وائرس کے افراد کی تعداد 4700 سے تجاوز

دوسری جانب ترجمان پرائمری اینڈ سکینڈری ہیلتھ کئیر نے بھی اپنے ایک بیان میں کہا کہ پنجاب میں کوروناوائرس کے مزید 169 کیسز سامنے آگئے جس کے بعد صوبے میں کوروناوائرس سے متاثرہ افرادکی تعداد 2594 تک پہنچ گئی۔

ترجمان پرائمری اینڈ سکینڈری ہیلتھ کئیر نے کہا کہ تمام کنفرممریضوں کو دیگر افراد سے الگ آئسولیشن وارڈز میں رکھا گیا ہے اور طبیعت خراب ہونے پر مریضوں کو آئسولیشن وارڈز سے ہسپتال کے ایچ ڈی یو میں شفٹ کیا جاتا ہے جبکہ مریضوں کو مکمل طبی سہولیات فراہم کی جا رہی ہے۔

اسی عرصے میں آزاد کشمیر میں میں 5 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 40 ہوگئی ہے جبکہ محکمہ اطلاعات خیبرپختونخوا نے اپنے ایک بیان میں کہا کہ خیبرپختونخوا میں 40 افراد میں کوروناوائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 744 ہوگئی ہے ۔

دریں اثناء آج گلگت بلتستان میں کرونا وائرس کے مزید 8 کیسز کی تصدیق ہوئی ہے جس کے بعد صوبے بھر میں کورونا کے کیسز کی تعداد 224 ہوگئی ہے۔