وزیراعظم عمران خان کا کہنا ہے کہ ہم نے آج کے دن ہی قائد کے وژن کے مطابق اسلامی فلاحی ریاست کے لیے تحریک انصاف پارٹی کی بنیاد رکھی۔

تفصیلات کے مطابق وزیراعظم عمران خان نے تحریک انصاف کے 24ویں یوم تاسیس پر سماجی رابطے کی ویب سائٹ ٹویٹر پر اپنے پیغام میں کہا کہ 24برس قبل آج ہی کےدن تحریک انصاف نے قائد کےویژن کی روشنی میں پاکستان کو ایک جدیداسلامی فلاحی ریاست کی صورت میں ڈھالنےکےاپنےنصب العین کی جانب سفرکا آغازکیا۔

2. ریاستی و قومی وسائل کو اشرافیہ کے مضبوط شکنجے سے چھڑوا کر انکی ازسرِ نو اور قدرے منصفانہ تقسیم کہ محروم اور نادار شہریوں کیلئے غربت سے نجات ممکن ہو سکے۔ ہماری یہ جدوجہد کسی بھی سیاسی جماعت سے زیادہ طویل، کٹھن اور صبر آزما رہی ہے۔

— Imran Khan (@ImranKhanPTI) April 25, 2020

اپنے پیغام میں وزیراعظم نے کہا کہ اس مقصد کیلئےہمیں درج ذیل سنگ میل عبور کرناتھا اور قانون کی ایسی بالادستی کا قیام کہ اسکی نظرمیں سب برابر اور طاقتور اسکے تابع ہوں۔

عمران خان نے یہ بھی کہا کہ ریاستی و قومی وسائل کو اشرافیہ کے مضبوط شکنجے سے چھڑوا کر انکی ازسرِ نو اور قدرے منصفانہ تقسیم کہ محروم اور نادار شہریوں کیلئے غربت سے نجات ممکن ہو سکے۔

وزیراعظم عمران خان سے آرمی چیف کی ملاقات

وزیراعظم عمران خان نے مزید کہا کہ ہماری یہ جدوجہد کسی بھی سیاسی جماعت سے زیادہ طویل، کٹھن اور صبر آزما رہی ہے جبکہ آج میں اپنے ان بانی اراکین، نعیم الحق، احسن رشید اور سلونی بخاری کو بھی یاد کرنا چاہتا ہوں جن کی رفاقت سے آج ہم محروم ہیں۔