سندھ میں کورونا وائرس کےبڑھتے کیسز کے لئے سندھ حکومت نےبڑا اقدام کرلیا۔

تفصیلات کے مطابق سماجی راطے کی ویب سائٹ پر بیرسٹر مرتضی وہاب نے کہا ہے کہ سندھ حکومت نے 50ہزار کورونا ٹیسٹنگ کٹس درآمد کرلیں ہیں۔

بیرسٹر مرتضی وہاب نے کہا ہے کہ سندھ حکومت کی درآمدی ٹیسٹنگ کٹس کراچی پہنچ گئیں ہیں اور درآمد کی گئی کوروناٹیسٹنگ کٹس کراچی سمیت سندھ کےدیگر اضلاع میں بھیجی جائینگی۔

ترجمان سندھ حکومت آئندہ چند روز کےدوران کورونا ٹیسٹ کی استعداد میں اضافہ کیاجائےگا۔ بیرسٹر مرتضی وہاب سندھ حکومت نے ٹیسٹنگ کٹس ایمرجنسی ریلیف فنڈ کے تحت خریدی ہیں۔

واضح رہے کہ اس سے قبل شیری رحمان کہتی ہیں جلد سے جلد کٹس فراہم نہ کی گئیں تو خوفناک بحران کا سامنا کرنا پڑسکتا ہے۔

رہنما پیپلز پارٹی سینیٹر شیری رحمان نے وفاق سے مطالبہ کیا ہے کہ جلد سے جلد سندھ حکومت کو ٹیسٹ کٹس فراہم کی جائیں اور وفاق بھی ٹیسٹنگ کٹس درآمد کرنےکے لئےصوبوں کےساتھ تعاون کریں۔

انہوں نے کہا کہ وفاق کی طرف سے کوآرڈی نیشن کے مسائل ہیں اور حکومت نے ٹیسٹ کٹس لانے کے لئے کارگو فلائٹس کا کوئی بندوبست نہیں کیا جبکہ صوبے ٹیسٹ کٹس کے بغیر خوفناک بحران کاسامنا کرسکتے ہیں۔

ان کا کہنا تھا کہ وفاق کے اعلانات کے برعکس سندھ کو کوئی ٹیسٹ کٹس فراہم نہیں کی گئیں اور نہ ہی وفاقی حکومت نے سندھ کو اپنی ذمہ داری کے تحت بھی مطلوبہ ٹیسٹ کٹس مہیا کیں ہیں۔