کورونا وائرس کی پیش نظر پاک فوج کی ملک بھر میں سول انتظامیہ کے ساتھ امدادی سرگرمیاں جاری ہیں۔

آئی ایس پی آر کے مطابق کورونا وائرس کی پیش نظر پاک فوج کی ملک بھر میں سول انتظامیہ کے ساتھ امدادی سرگرمیاں جاری ہیں جبکہ مسلح افواج کے جوان سول انتظامیہ کے ساتھ عوامی خدمات میں مصروف عمل ہیں۔

 آئی ایس پی آر نے بتایا کہ پاک فوج کا جانب سے اشیاخورونوش مزدوروں،معزوروں،بیواؤں کودیاجارہاہے اور اب تک  پاک فوج کی طرف سےکورونا متاثرین میں 3لاکھ50ہزار امدادی پیکٹ تقسیم کیے جاچکتے ہیں۔

آئی ایس پی آر کاکہنا ہے کہ امدادی سامان پاک فوج کی تنخواہوں کےفنڈسےخریدا گیا ہے اور دوردراز علاقوں سمیت آزاد کشمیرکے10اضلاع میں امدادی پیکٹس تقسیم بھی کئے گئے ہیں۔

آئی ایس پی آر نے بتایا ہے کہ اب تک گلگت بلتستان کے9اضلاع میں راشن بانٹاگیا ہے جبکہ کراچی سمیت سندھ کے9اضلاع میں راشن تقسیم کیاگیا اور پنجاب کے40سےزائدشہروں،کےپی کے19علاقوں میں سامان تقسیم کیا گیا ہے۔

یاد رے کہ ا س سے قبل پاک فوج کے شعبہ تعلقات عامہ (آئی ایس پی آر) نے بتایا تھا کہ چین سے میڈیکل ایمرجنسی ریلیف کی دوسری کھیپ پاکستان پہنچ گئی ہے۔

آئی ایس پی آر کا کہنا تھا کہ  چین کے امدادی سامان میں پی سی آر ٹیسٹنگ کٹس، سرجیکل ماسک، حفاظتی لباس، این 95 ماسک اور وینٹیلیٹرزشامل ہیں۔

خیال رہے کہ میجر جنرل ہوانگ کی قیادت میں چینی ڈاکٹروں کی ٹیم پاکستان پہنچی تھی اور چین کی جانب سے مزید ریلیف سامان پہنچا تھا۔

اس سے قبل آنے والے چینی ڈاکٹروں میں وبائی امراض، آئی سی یو، پلمنالوجی کے ماہرین شامل ہیں۔چینی میڈیکل ٹیم دو ماہ میں پاکستان میں کورونا وائرس کی روک تھام اور متاثرین کے علاج کی خدمات انجام دے گی۔

اس دوران چینی میڈیکل ٹیم ملک بھر کے مختلف ہسپتالوں میں کورونا سے متاثرہ مریضوں کا علاج  بھی کرے گی۔