پاکستان پیپلز پارٹی کے چیئرمین بلاول بھٹو زرداری نے کورونا وائرس کے پیش نظر وفاقی حکومت کے معاشی ریلیف پیکیج کو ناکافی قرار دیدیا۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری کی صدارت پارٹی کی معاشی کمیٹی کا ویڈیو لنک پر اجلاس ہوا جس میں نوید قمر، شازیہ مری، چوہدری منظور ودیگر کی شرکت ہوئی۔

اجلاس میں مطالبہ کیا گیا کہ بے روزگا روں کیلے رقم 12ہزار سے بڑھا کر کم سے کم اجرت کے تحت 17500کی جائے۔

پاکستان پیپلز پارٹی کے چیئرمین نے اجلاس کی صدارت کرتے ہوئے کہا کہ غیر معمولی صورتحال میں وفاق کا فرض ہے کہ وہ صوبوں کی مدد کرے اور تمام صوبوں کی صحت کی سہولیات میں اضافہ کرے۔

 بلاول بھٹو زرداری نے یہ بھی کہا کہ کرونا کی مدد میں ملنے والی عالمی امداد کی منصفانہ تقسیم ضروری ہے جبکہ اٹھارویں ترمیم پر یہ کہہ دینا کہ صحت صوبوں کی ذمہ داری ہے صحیح نہیں کیونکہ صوبے اپنی وسعت سے ذیادہ کام کررہے ہیں ۔

پاکستان پیپلز پارٹی کے چیئرمین کا کہنا تھا کہ چھوٹے تاجروں کیلے ریلیف پیکیج ٹیکسوں میں چھوٹ، آسان شرائط پر قرضہ اور دیگر مراعات دی جائے جبکہ اس وقت کسان بھی وفاقی حکومت کی طرف دیکھ رہے ہیں اس صورتحال میں انہیں کھاد کو مد میں سبسڈی بجلی کے بلوں کی مد میں رلیف دیا جائے ۔

بلاول بھٹو اور مولانا فضل الرحمان کا 18ویں آئینی ترمیم کے حوالے سے اتفاق

بلاول بھٹو زرداری کا یہ بھی کہنا تھا کہ این ایف سی کی مد میں کٹوتی نہیں ہونے دیں گے وفاقی حکومت آئی ایم ایف، ورلڈ بینک، جی 20 ممالک سمیت مختلف مالیاتی اداروں سے ملنے والا ریلیف کا فائدہ بھی صوبوں کو دے۔

اجلاس پاکستان پیپلز پارٹی کے چیئرمین بلاول بھٹو زرداری نے مطالبہ کیا کہ وفاق صوبوں کے فنڈز میں کٹوتی کا سوچنے کے بجائے اپنے اخراجات کم کرکے اضافی پیسے صوبوں کو دے۔

بلاول بھٹو زرداری نے کہا کہ خوراک کی سپلائی لائن، اسٹوریج اور اس کی کھپت کیلے قبل ازوقت اقدامات کی ضرورت ہے جبکہ اس وقت ہمیں فوری طور پر فوڈ سیکیورٹی پر توجہ دینی ہوگی جو آنے والے دونوں کا سب سے بڑا مسئلہ ہوگا ۔

پاکستان پیپلز پارٹی کے چیئرمین بلاول بھٹو زرداری نے مزید کہا کہ ایسا تاثر نہ دیا جائے کہ جیسے وزیراعظم صرف اسلام آباد کا ہے اور اس کی سوچ مئیر اسلام آباد سے زیادہ کی نہیں اور وزیراعظم کو پورے ملک کے سربراہ کے طور پر خود کو آگے لانا ہوگا۔