وزیر تعلیم سندھ سعید غنی نے کہا ہے کہ حکومت نے تاحال کاروبار کھولنے کی اجازت نہیں دی ہے۔

تفصیلات کے مطابق وزیر تعلیم سندھ سعید غنی نے بول نیوز سے گفتگو کرتے ہوئے کہا کہ تاجروں اور حکومت کے درمیان کوئی ڈیڈلاک نہیں ہے۔

اپنے بیان میں سعید غنی نے کہا کہ کیونکہ ہمارے لیے لوگوں کی زندگیوں کو محفوظ بنانا پہلی ترجیح ہے۔

 وزیر تعلیم سندھ نے یہ بھی کہا کہ ہماری خواہش ہے پورے ملک میں ایک ایس او پی پر مراکز کھلیں، ایس او پی وزیر اعلیٰ کو دئیے تھے ، وزیراعلی نے ایس او پی وزیر اعظم کو بھیجے ہیں۔

 سعید غنی کا کہنا تھا کہ تاجروں کے اعلان قابل افسوس ہےکیونکہ ہم بھی چاہتے ہیں کاروبار کھلے لیکن صحت کو بھی دیکھنا ہے۔

وزیر تعلیم سندھ سعید غنی کا مزید کہنا تھا کہ تاجروں کے مسائل کا اندازہ ہے لیکن لوگوں کی صحت ترجیح ہےجبکہ اب تو ڈاکٹروں کی بھی وضاحت ا گئی ہے ۔

تاجروں نے کاروبار کھولنے کا اعلان کردیا

یاد رہے اس سے قبل تاجروں نے دکانیں کھولنے کے حوالے سے مشترکہ پریس کانفرنس کرتے ہوئے کہا تھا کہ حکومت کے کسی وزیر نمائندہ مزاکرتی ٹیم سے اب ملاقات نہیں کریں ، یکم رمضان سے  کراچی کی تمام مارکیٹیں کھول دیں گے۔

رضوان عرفان الیکٹرونک ڈیلر ایسوسی ایشن نے کہا تھا کہ حکومت نے مایوس کیا ہے  صرف وقت ضائع کررہی ہے تاجروں اور مزدوروں سے کوئی ہمدردی نہیں ہے۔

سندھ تاجر اتحاد کے رہنما محمد رضوان نے کہا تھا کہ حکومتی ایس او پی کا انتظار نہیں کیا جاسکتا، ایس او پی آئے نہ آئے یکم رمضان سے کاروبار کھول دیا جائے گا اور اگر حکومت نے دفعہ 144 نافذ کی تو دیکھا جائے گا۔

دوسری جانب کمشنر کراچی کا کہنا ہے کہ حکومت سندھ کی اجازت کے بغیر کسی کو کاروبار کی اجاز ت نہیں ہے اور جو دکاندار حکومت سندھ کی اجازت کے بغیر کاروبار شروع کریں گے ان کے خلاف کارروائی کی جائے گی۔