ایدھی فاؤنڈیشن کی سربراہ بلقیس ایدھی نے کہا ہے کہ پاکستانی عوام اس وقت کرونا وائرس کی وبا سے لڑ رہے ہیں جس میں ایدھی فاؤنڈیشن اس وقت تمام لوگوں کی مدد کر رہا ہے۔

بلقیس ایدھی کا کہنا تھا کہ تمام شہریوں سے اپیل کرتے ہیں کہ وہ لوگوں کی مدد کرنے میں ہمارے ساتھ تعاون کریں کیونکہ ایدھی فاؤنڈیشن لوگوں میں راشن تقسیم کر رہا ہے

انہون نے کہا کہ شہریوں نے ہمیشہ ایدھی فاؤنڈیشن کی مدد کی اور مشکل گھڑی میں بھی وہ مدد کریں۔

یاد رہے کہ ملک بھر میں کورونا وائرس کے باعث جاری موجودہ حالات کی پیش نظر تمام فلاحی ادارے عوام الناس کی خدمت اور دردمندی میں مصروف ہیں۔

بلقیس ایدھی کی جانب سے بھی یہ اپیلی پیغام اسی غرض سے جاری کیا گیا ہے تا کہ لوگوں کی زیادہ سے زیادہ مدد کی جاسکے۔

بلقیس بانو ایدھی

بلقیس بانو ایدھی عبد الستار ایدھی کی بیوہ، ایک نرس اور پاکستان میں سب سے زیادہ فعال مخیر حضرات میں سے ایک ہیں۔

ان کی عرفیت مادر پاکستان ہے، وہ 1947ء میں کراچی میں پیدا ہوئیں۔

یہ بلقیس ایدھی فاؤنڈیشن کی سربراہ ہیں اور اپنے شوہر کے ساتھ انہوں نے خدمات عامہ کے لیے رومن میگسیسی اعزاز حاصل کیا۔

حکومت پاکستان نے انہیں ہلال امتياز سے نوازا ہے۔ بھارتی لڑکی گیتا کی دیکھ بھال کرنے پر بھارت نے انہیں مدر ٹریسا ایوارڈ 2015ء سے نوازا ہے۔