وزیراعظم کی معاون خصوصی ڈاکٹر فردوس عاشق اعوان کا کہنا ہے کہ کورونا سے نمٹنے کے لئے ہر ممکن اقدامات کیے جا رہے ہیں۔

تفصیلات کے مطابق معاون خصوصی ڈاکٹر فردوس عاشق اعوان نے کہا ہے کہ کورونا سے نمٹنے کے لئے ہر ممکن اقدامات کیے جا رہے ہیں  کیونکہ احتیاط ہی کورونا وائرس کاعلاج ہے۔

انہوں مشکل وقت میں قومیں متحد ہو جاتی ہیں اور اس عالمی وبا سے دنیا کی معیشت کی سانسیں اکھڑ چکی ہیں۔

ڈاکڑ فردوس نے مزید کہا ہے کہ حفاظتی کٹس سب سے پہلے طبی عملے کو دی جائیں گی اور ایمرجنسی میں ڈیوٹی دینے والے ڈاکٹر کو حفاظتی کٹس کی زیادہ ضرورت ہے۔

حکومت نے بڑا فیصلہ سنادیا

واضح رہے کہ اس سے قبل وفاقی حکام کا کہنا تھا کہ پاکستان میں اس وقت طبی اور نیم طبی عملے کے 180 افراد کورونا وائرس سے متاثر ہیں جن میں سے 90 ڈاکٹر بھی ہیں۔

حکام کا کہنا ہے کہ مختلف اسپتالوں کے 60 سے زیادہ پیرامیڈکس اور دیگر عملہ کورونا وائرس سے متاثر ہوا ہے جن میں سے اب تک 30 نرسز میں کورونا کی تشخیص ہوئی ہے۔

حکام کے مطابق  گزشتہ 24گھنٹوں میں 11 ڈاکٹرز، نرسز اور پیرامیڈکس میں کورونا وائرس کی تشخیص ہوئی جب کہ پاکستان میں گزشتہ 2 ماہ میں 2 ڈاکٹر اور ایک نرس وائرس کی وجہ سے جاں بحق ہوچکے ہیں۔

وفاقی حکام کے مطابق 16 اپریل تک سندھ میں 45، پنجاب 44، خیبر پختونخوا 39، اسلام آباد 15، بلوچستان 20، آزاد کشمیر 4 اور گلگت بلتستان میں 2 طبی اور نیم طبی عملے کے افراد وائرس کا شکار ہوئے تھے، اس  متاثرہ طبی عملے کی اکثریت یا تو اسپتالوں میں زیر علاج ہے یا انہیں گھروں پر آئسولیٹ کردیا گیا ہے۔

حکام نے کہا کہ گلگت بلتستان میں طبی عملے کے ایک فرد کی حالت تشویشناک ہے اور  پنجاب میں بھی ایک پروفیسر وینٹی لیٹر پر ہیں جبکہ 200 سے زائد مزید طبی ونیم طبی عملے کے ٹیسٹ کرائے گئے ہیں جس کے نتیجے کا انتظار ہے۔