خادم حرمین شریفین شاہ سلمان بن عبدالعزیز کی جناب سے بھیجا گیا تحفہ پاکستان پہنچ گیا ہے۔

تفصیلات کے مطابق شاہ سلمان کے فلاحی ادارے ‘کنگ سلمان ہیومینٹیرین ایڈ اینڈ ریلیف سینٹر’ نے پاکستان میں  ضرورت مندوں کے لیے راشن پیکج پاکستان کے حوالے کر دیا ہے۔

کورونا کی وجہ سے بہت سے لوگوں کی ضرورتِ زندگی بری طرح متاثر ہو کر رہ گئی ہے۔

یاد رہے کہ دنیا بھر میں کورونا کی وبا بری طرح پھیل چکی ہے اور اس ہی وجہ سے بہت سے ممالک میں لاک ڈاون نافز ہے  تاکہ اس وبا پر قابو پایا جا سکے۔

لاک ڈاون کی وجہ سے لوگوں کے کاروبار زندگی بری طرح متاثر ہوئی ہے اور لوگ اپنے گھروں تک محدود ہو کر رہ گئے ہیں۔

پاکستان میں لاک ڈاؤن سے متاثرین اور مستحقین تک راشن پہنچانے کا آغاز بھی کردیا گیا ہے۔

امدادی پیکج میں دیے گئے ہر راشن کے بیگ میں 10 کلو آٹا، 5 کلو چینی، 5 کلو چاول، 5 لیٹر ککنگ آئل، 2 کلو خشک دودھ، آدھا کلو چائے کی پتی اور 2 کلو کھجوریں شامل ہیں۔

اس راشن پیکج سے پنجاب میں ایک لاکھ سے زائد افراد مستفید ہوں گے۔

دوسری جانب راشن کا امدادی سامان کی مالیت تقریباً 16 کروڑ 61 لاکھ ہے۔

راشن حکومت پنجاب کے تعاون سے لاہور سمیت پنجاب کے 10 اضلاع میں تقسیم کیا جائے گا۔

راشن کا تمام تر سامان نواف بن سعید المالکی نے گورنر پنجاب چوہدری محمد سرور کے سپرد کیا تھا۔

واضح رہے کہ 5 ٹیمیں راشن کی تقسیم کے امور کی نگرانی کررہی ہیں۔