نائب صدر پیپلز پارٹی سینیٹر شیری رحمان نے کہا ہے کہ سندھ حکومت عوام کو رلیف دینے کے لئے بلکل تیار ہے۔

تفصیلات کت مطابق نائب صدر پیپلز پارٹی سینیٹر شیری رحمان نے وفاق کی سست روی پر اظہار تشویش کرتے ہوئے کہا کہ کیا سندھ کو عالمی وبا سے اکیلے لڑنا ہے؟ اس سارے معاملے میں وفاقی حکومت کہاں ہے۔

نائب صدر پیپلز پارٹی سینیٹر نے کہا کہ نادرا امدادی منتقلی کے لئے سندھ کے ساتھ اعداد و شمار شیئر نہیں کررہا ہےاور سندھ ابھی تک پی ٹی ایم اے سے نمبرز کلیئرنس کا منتطر ہے ۔

ملک میں کورونا وائرس کے افراد کی تعداد 2100 سے تجاوز

 اپنے پیغام میں سینیٹر شیری رحمان نے یہ بھی کہا کہ کیش ریلیف عوام کو جانا ہے، ایف بی آر ٹیکس دہندگان کی تفصیلات فراہم کرنے میں سستی کر رہا ہے۔

نائب صدر پیپلز پارٹی سینیٹر شیری رحمان  نے مزید کہا کہ وفاقی حکومت رلیف منتقل کرنے میں تاخیر کا سبب بن رہی ہے اور اگر وفاقی حکومت تیار نہیں ہے تو سندھ کا کام سست کیوں کیا جا رہا ہے ۔

واضح رہے کہ ملک میں کورونا وائرس کے آج 82 افراد میں مہلک وائرس کی تشخیص ہوئی جن میں سندھ سے 33  ،بلوچستان میں 6، پنجاب میں 40 اور گلگت بلتستان میں 3 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 2119 تک پہنچ گئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 709 ، بلوچستان میں 164 ، خیبرپختونخوا میں 253 ،اسلام آباد میں 58  ، گلگت بلتستان میں 187  ، پنجاب میں 748 اور آزاد کشمیر میں 6  مریض موجود ہے۔