بھارتی خفیہ ایجنسی را کیلئے کام کرنے والا سندھ پولیس کا افسر گرفتار

سید قاسم رضا

21st Apr, 2020. 01:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی خفیہ ایجنسی را کیلئے کام کرنے والا سندھ پولیس کا افسر گرفتار

بھارتی خفیہ ایجنسی ’را ‘ کے لیے کام کرنے والے سندھ پولیس کے اے ایس آئی کو گرفتار کرلیا گیا۔

پولیس حکام کے مطابق اسپیشل انویسٹی گیشن یونٹ ’ایس آئی یو ‘پولیس اور دیگر قانون نافذ کرنے والے اداروں نے خفیہ اطلاع پر گلستان جوہر میں کارروائی کرکے ملزم اے ایس آئی شہزاد پرویز کو گرفتار کیا۔

پولیس حکام کاکہنا ہے کہ اے ایس آئی شہزاد پرویز شاہراہ فیصل تھانے میں تعینات تھا۔ ملزم کو محمود صدیقی گروپ کی جانب سے بھاری رقم فراہم کی جارہی تھی ۔

پولیس حکام نے مزید بتایا کہ گرفتار پولیس اہلکار ٹارگٹ کلرز کی ٹیم کا اہم رکن بتایا جاتا ہے اور دہشت گردی کی کارروائیوں میں ملوث ہے ۔ گرفتار اہلکار کے قبضے سے 2 دستی بم بھی برآمد ہوئے ہیں۔

پولیس حکام کا کہنا ہے کہ اے ایس آئی شہزاد پرویز گلستان جوہر کا رہائشی اور ایم کیوایم لندن سے وابستہ ہے ۔

گرفتار پولیس اہلکار سے مزید تحقیقات شروع کردی گئی ہیں۔