حکومت پاکستان کی ہدایات پر بیرون ممالک پھنسے پاکستانیوں کی وطن واپسی کیلئے پی آئی اے کی خصوصی پروازیں جاری کر دی گئی ہے۔

 تفصیلات کے مطابق پی آئی اے سے جاری اعلامیہ کے مطابق وزیراعظم عمران خان کی ہدایت پر بیرونِ ممالک میں پھنسے ہو ئے پاکستانیوں کی وطن واپسی کے لئے خصوصی اقدامات کئے گئے ہیں۔

پی آئی اے اعلامیہ میں کہا گیا ہے کہ حکومت پاکستان اور خاص طور پر وزیر ِ اعظم عمران خان صورتحال کی ذاتی طور پر نگرانی کر رہے ہیں اور موجودہ تکلیف دہ صورتحال میں مشکلات کا شکار سمندر پار پاکستانیوں کی بھرپور امداد کا فیصلہ کیا گیا ہے۔

 اعلامیہ میں  بھی کہا گیا ہے کہ پی آئی اے کا عملہ موذی وائرس کے خطرے کے باوجود اس مشکل صورتحال میں صف اول کا کردار ادا کر رہا ہے۔

 اعلامیہ پی آئی اے کے مطابق وزیر ہوابازی غلام سرور خان کی کوششوں سے وطن واپسی کے خواہشمند پاکستانیوں کے لئے خصوصی پروازیں چلانی ممکن ہو ئیں جبکہ پی آئی اے نے بیرونِ ممالک پھنسے ہو ئے پاکستانیوں کی واپسی کے لیے پاکستان نے4اپریل سے اپنی فلائٹس کا آغاز کیا۔

خصوصی پروازوں کے کرائے میں کمی؟

 اعلامیہ پی آئی اے میں کہا گیا کہ محدود پیمانے پر اسلام آباد کو ائیر ٹریفک کے لئے کھولا گیا اور پی آئی اے پر مسافروں کی تعداد کے حوالے سے پابندیاں عائد کر دی گئیں۔

پی آئی اے اعلامیہ میں بھی کہا گیا ہے پی آئی اے کی پروازوں سے4سے11اپریل کے دوران 18سو مسافر پاکستان واپس آئے جبکہ14سے19اپریل تک مزید 6ائیر پورٹس ائیر ٹریفک کے لئے کھول دیے گئے۔

پی آئی اے اعلامیہ میں مزید کہا گیا ہے کہ دنیا کے مختلف ملکوں کے  ائیر پورٹس بند ہونے سے مشکلات کا سامنا ہو رہا ہے، بین الاقوامی قواعد و ضوابط اور عملی طور پر ائیر ٹریفک کی بندش کے باعث انتظامی مشکلات درپیش ہیں ۔