ملک میں کورونا وائرس کے مزید 922 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 12658 تک پہنچ گئی ہے۔

تفصیلات کے مطابق ملک میں کورونا وائرس کے آج  مزید 922 افراد میں مہلک وائرس کی تشخیص ہوئی جن میں سندھ سے 287 ، بلوچستان میں 65 ، پنجاب میں 475 ، اور اسلام آباد میں 9 جبکہ خیبرپختونخوا میں 85 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 4232 ، بلوچستان میں 721 ، خیبرپختونخوا میں 1793 ،اسلام آباد میں 223 ، گلگت بلتستان میں 308 ، پنجاب میں 5326 اور آزاد کشمیر میں 55 مریض موجود ہے۔

یاد رہے اس سے قبل ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 287 کیسز سامنے آئے ہیں جس کے بعد صوبے میں کل کیسز کی تعداد 4232 تک پہنچ گئی ہے۔

ملک میں کورونا سےمزید8 اموات،ہلاکتیں 256، مجموعی کیسز12ہزارسے تجاوز کرگئے

محکمہ صحت سندھ نے اپنے ایک بیان میں کہا کہ کراچی میں کورونا وائرس میں مبتلا 3 مریض دم توڑ گئے، جس کے بعد صوبے بھر میں اموات کی مجموعی تعداد 78 ہوگئی ہے۔

دوسری جانب بلوچستان میں 65 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 721 ہوگئی ہے جبکہ محکمہ اطلاعات خیبرپختونخوا نے اپنے ایک بیان میں کہا کہ خیبرپختونخوا میں 85 افراد میں کوروناوائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 1793 ہوگئی ہے ۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 475 کیسز کی تصدیق ہوئی ہے جس کے بعد صوبے بھر میں مجموعی تعداد 5326 ہو گئی۔

دریں اثناء آج اسلام آباد میں کرونا وائرس کے مزید 9 کیسز کی تصدیق ہوئی ہے جس کے بعد صوبے بھر میں کورونا کے کیسز کی تعداد 223 ہوگئی ہے ۔