وزیراعلیٰ پنجاب سردار عثمان بزدار نے کہا ہے کہ پنجاب حکومت کرونا کے سدباب اور علاج کے لئے تمام وسائل بروئے کار لا رہی ہے۔

گورنرپنجاب چوہدری محمد سرور ، وزیراعلیٰ پنجاب سردار عثمان بزدار اور رہنما تحریک انصاف جہانگیرترین کی ملاقات ہوئی جس میں   تحریک انصاف کے تین سینئر رہنماوں  کی کرونا کی صورتحال پر بات چیت ہوئی۔

 اس موقع پر گورنرپنجاب چوہدری محمد سرور ،وزیراعلی سردار عثمان بزدار اور رہنما تحریک انصاف جہانگیرترین نے کرونا کے سدباب  اورعلاج کے لئے بھرپور کوششوں کے عزم کااظہار کیا۔

چوہدری محمد سرور  نے یہ کہا کہ کرونا وائرس کےسدباب کے لئے  تحریک انصاف کی حکومت بروقت اقدامات کررہی ہے، وزیراعظم  وبا کے سدباب کے ساتھ ساتھ متاثرین کی مدد کے لئے بھی متحرک ہیں۔

نواز شریف کی میڈیکل رپورٹ پنجاب حکومت کو بھجوا دی ہیں، ڈاکٹر عدنان

 گورنرپنجاب چوہدری محمد سرور نے مزید کہا کہ ٹیلی میڈیسن سنٹرز سے  ملک بھر میں ماہر ڈاکٹرز کی خدمات بھی عوام کو فراہم کی جارہی ہیں، راشن پیکیج  میں مخیر حضرات کے تعاون سے تیز ی  لارہے ہیں۔

وزیراعلیٰ پنجاب سردار عثمان بزدار نے اس موقع پر کہا کہ پنجاب حکومت کرونا کے علاج کے لئے تمام وسائل بروئے کار لا رہی ہے، صوبہ بھر میں تمام امور کی خود نگرانی کررہاہوں اور مستحیقن کو امداد کی فراہمی شروع کردی ہے۔

 رہنما تحریک انصاف جہانگیرخان ترین نے کہا کہ محدود رہ کر شہری خود کومحفوظ رکھ سکتے ہیں جبکہ عوام احتیاطی تدابیر میں حکومت کاساتھ دیں۔

رہنما تحریک انصاف جہانگیرخان ترین نے مزید کہا حکومت ہر ممکن اقدامات اٹھارہی ہے کہ متاثرین کو ریلیف ملے۔