پنجاب حکومت نے جزوی لاک ڈائون میں نرمی کا اعلان کرتے ہوئے پیٹرول پمپ ، ٹائر پنکچر شاپس اور ہوم ڈیلیوری 24 گھنٹے جاری رکھنے کا فیصلہ کرلیا۔

تفصیلات کے مطابق  پنجاب حکومت نے لاک ڈاؤن میں نرمی کا نیا نوٹیفکیشن جاری کر کے   محکمہ داخلہ پنجاب کے افسران کو مراسلہ ارسال کر دیا۔

 مراسلہ کے تحٹ تمام استثنیٰ شدہ دوکانیں جمعہ، ہفتہ اور اتوار کے روز بند رہیں گی جبکہ پیٹرول پمپ ، ٹائر پنکچر شاپس اور ہوم ڈیلیوری 24 گھنٹے جاری رہے گی۔

مراسلہ میں یہ بھی کہا  گیا ہےکہ لاک ڈائون سے صرف گروسری سٹورز اور اجناس، سبزی کی منڈیوں کو استثنیٰ ہوگا۔

 مراسلہ میں مزید کہا گیا ہے کہ گوشت، کریانہ، دودھ دہی اور پھلوں کو دوکانیں صبح 9 بجے سے 5 بجے تک کھلیں گی جبکہ پوسٹل سروس، انٹر سٹی ٹریفک بھی صبح 9 بجے سے 5 بجے تک فعال رہے گی۔

 واضح رہے اس سے قبل پنجاب حکومت کا لاک ڈاون کےحوالے سے اہم اقدام اٹھاتے ہوئے ہفتے میں چار دن نرمی اور3دن مکمل لاک ڈاون کا فیصلہ کیا تھا۔

جزوی لاک ڈاون میں 31 مئی تک توسیع

محکمہ صحت پنجاب کی جانب سے جاری کردہ نوٹی فکیشن میں کہا گیا تھا کہ پنجاب میں  چار دن  صبح 8  بجے سے شام پانچ بجے تک  کاروبار کیا جاسکے  گے جبکہ جمعہ ہفتہ اتوار چھٹی ہوگی۔

نوٹی فکیشن میں یہ بھی کہا گیا تھا کہ بڑے شاپنگ مالز ،تعلیمی ادارے ،ریسٹورنٹ بدستور  بند رہیں گے جبکہ ہوٹل،شادی ہالز، سینمااور عوامی اجتماعات پر پابندی ہو گی۔

 نوٹی فکیشن میں مزید کہا گیا تھا کہ کھیلوں کی  تقریبات اور جلسے جلوس ،پبلک ٹرانسپورٹ ماسوائے چنگ چی رکشہ  بند رہے گا جبکہ ٹرانسپورٹرز کے ساتھ جلد ملاقات  میں ایس او پیز  تیارکرکے پبلک ٹرانسپورٹ کو بھی کھول دیا جائے گا۔