چینی سفارت خانے نے قائم مقام امریکی اسسٹنٹ سیکرٹری آف اسٹیٹ ایلس ویلز کے پاک چین تعلقات اور سی پیک سے متعلق بیان کا سخت نوٹس لیتے ہوئے ایلس ویلز کے بیان کو غیر ذمہ دارانہ،بے بنیاد اور پرانی طرز پر مبنی قرار دیا ہے۔

تفصیلات کے مطابق پاک چین تعلقات اور سی پیک سے متعلق امریکی پرنسپل ڈپٹی سیکرٹری آف سٹیٹ ایلس ویلز  کے بیان پر چینی سفارتخانے کی طرف سے سخت ردعمل  دیتے ہوئے کہا کہ امریکہ کے غیر ذمہ دارانہ بیانات بے مقصد ہیں وہ اپنی سرد جنگ اور گھٹیا سوچ سے باہر نکلے۔

چینی سفارت خانے کا کہنا ہے کہ ایلس ویلز   کا بیان پاک چین تعلقات کو بدنام کرنے کی ایک اور بھونڈی کوشش ہےچین اس بیان کی سختی سے مخالفت کرتا ہےہم نے ہمیشہ پاکستان کو برابری کی سطح پر سمجھا ہےچین نے کبھی پاکستان کو  ڈو مور کا نہیں کہا ۔

چینی سفارتخانے  کا یہ بھی کہنا ہے  کہ ہم پاکستان کے اندرونی نظام کی حمایت کرتے ہیں اور کبھی پاکستان کے اندرونی معاملات میں مداخلت نہیں کی آج پاک چین سفارتی تعلقات کی 69ویں سالگرہ ہے گذشتہ 69 سالوں سے ہماری دوستی ایکدوسرے کے احترام اور حمایت پر مبنی ہے اور ہم نے علاقائی امن کو فروغ دینے کے لئے ہمیشہ ملکر کام کیا ہے ۔

چینی سفارتخانہ نے کہا کہ کوویڈ 19 کے خلاف جنگ میں چین اور پاکستان ساتھ ہیں چین نے 55 ملین امریکی ڈالر کا طبی سامان پاکستان کو مہیا کیا ہے ہم نے علاقائی امور میں پاکستان کے کردار پر کبھی دباؤ نہیں ڈالا ۔

چینی سفارتخانے   کا اپنے بیان مٰں مزید کہنا ہے کہ سی پیک چین اور پاکستان کے درمیان اہم پراجیکٹ ہے سی پیک باہمی فائدے اور ون ون کوآپریشن پر مبنی ہے چین اور پاکستان ملکر افغانستان میں امن کیلئے کام کر رہے ہیں جبکہ افغان مہاجرین کے حوالے سے بھی چین اور پاکستان مشترکہ کوششیں کر رہے ہیں۔

21 مئی، پاک چین سفارتی تعلقات پر چینی سفیر کا بیان

واضح رہے اس سے قبل پاکستان میں تعینات چینی سفیر یاو جنگ کی جانب سے پاک چین سفارتی تعلقات کی 69ویں سالگرہ پر ویڈیو بیان جاری کیا گیا جس میں انہوں نے کہا تھا کہ آج 21 مئی کو پاکستان اور چین کے مابین سفارتی تعلقات کی 69ویں سالگرہ ہے۔

چینی سفیر نے کہا تھا کہ پاکستان اور چین آہنی بھائی ہیں، دونوں ممالک اپنی فلاح و بہبود اور ترقی کے لئے مل کر کام کر رہے ہیں۔

اپنے بیان میں انہوں نے کہا تھا کہ پاکستان اور چین علاقائی امن و ترقی کے فروغ کے لئے مل کر کام کر رہے ہیں جبکہ ‏دونوں ممالک گزشتہ 7 دہائیوں سے قومی خودمختاری،علاقائی سالمیت کے لیے ایک دوسرے کے ساتھ کھڑے ہیں۔