وزیراعظم عمران خان سےآرمی چیف جنرل قمرجاویدباجوہ کی ملاقات ہوئی ہے۔

تفصیلات کےمطابق وزیراعظم سےآرمی چیف کی ملاقات کےدوران ملکی سلامتی اور سیکیورٹی صورتحال پرتبادلہ خیال کیاگیا ہے۔

ملاقات میں خطے کی صورتحال پر بھی غور اور کوویڈ 19 کی صورتحال، ریلیف کوششوں پر بھی بات چیت کی گئی۔

وزیراعظم عمران خان سے آرمی چیف جنرل قمرجاوید باجوہ کی کی ہونے والی ملاقات میں شاہ محمود قریشی، اسد عمر اور ڈی جی آئی ایس آئی بھی شریک ہوئے۔

واضح رہے اس سے قبل وزیراعظم عمران خان نے کورونا وائرس سے نمٹنے کے لیے ٹیلی ہیلتھ پورٹل کا افتتاح کی تقریب سے خطاب کرتے ہوئے کہا تھا کہ ٹیلی ہیلتھ پورٹل  بہت اچھا قدم ہے ۔

اپنے بیان میں وزیراعظم نے کہا تھا کہ  جب تک ویکسین نہیں آتی ہمیں کورونا کیساتھ ہی گزارا کرناہے اور اگر  ہم اپنا  مقابلہ مغرب کے ممالک سے کریں تو ہمارے حالات ویسےنہیں ۔

کورونا کے بعد بھی ٹیلی ہیلتھ پورٹل کی ضرورت پڑے گی، وزیراعظم

 عمران خان نے یہ بھی کہا تھا کہ کورونا کےسبب ترقی یافتہ ممالک کےبھی بہت برےحالات ہیں، اس سال ہمیں کورونا وائرس کے ساتھ مقابلہ کرنا پڑے گا۔

وزیراعظم عمران خان نے ٹیلی ہیلتھ پورٹل کےاجراءکےموقع پرخطاب کرتے ہوئے مزید کہا تھا کہ ٹائیگر فورس میں بہت سے ہیلتھ ورکرز شامل ہوئے ہیں  جبکہ  10 لاکھ سے زائد لوگ ٹائیگر فورس میں شامل ہیں ۔