پاکستان میں کورونا وائرس سے مزید 27 افراد جان کی بازی ہار گئے ، جس کے بعد اموات کی تعداد 435 ہوگئی جبکہ متاثرہ مریضوں کی تعداد 18823 ہوگئی ہے۔

تفصیلات کےمطابق آج سندھ میں کورونا سے 4 ،پنجاب میں کورونا سے 9 ، بلوچستان میں کورونا سے 3 اور خیبرپختونخوا میں کرونا سے 11 اموات ہوئی جس کے بعد ملک بھر کورونا وائرس سے جاں بحق افراد کی مجموعی تعداد 435 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 122 ، بلوچستان میں 19 ، خیبرپختونخوا میں 172 ، اسلام آباد میں 4، گلگت بلتستان میں 3 ، پنجاب میں 115 افراد جان کی بازی ہار چکے ہیں۔

یاد رہے اس سے قبل محکمہ صحت سندھ نے اپنے ایک بیان میں کہا کہ سندھ میں کورونا وائرس سے آج 4 مریض دم توڑ گئے، جس کے بعد صوبے بھر میں اموات کی مجموعی تعداد 122 ہوگئی ہے۔

پاکستان میں کورونا سےاموات کی تعداد 344 ہوگئی

دوسری جانب ترجمان پرونشل ڈیزاسٹر منیجمنٹ اتھارٹی نے اپنے ایک بیان میں کہا کہ پنجاب میں آج کورونا وائرس سے متاثرہ 9 افراد دم توڑ گئے جس کے بعد صوبے میں اموات کی مجموعی تعداد 115 ہو گئی۔

دریں اثناء محکمہ اطلاعات خیبرپختونخوا نے اپنے ایک بیان میں کہا کہ خیبر پختونخوا میں آج مزید 11 متاثرہ افراد جان کی بازی ہار گئے جس کے بعد صوبے میں اموات کی تعداد 172 تک پہنچ گئی ہے جبکہ بلوچستان میں بھی 3 اموات ہوئی جس کے بعد بلوچستان میں اموات کی تعداد 19 ہوگئی ہے۔