چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل نے کہا ہے کہ پاکستان رواں سال کوویڈ – 19 کے علاوہ بھی 2 نئی عفریت کا شکار نظر آرہا ہے جس میں ٹڈی دل کا حمہ اور سیلاب شامل ہیں۔

چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل کی پریس کانفرنس کرتے ہوئے کہا ہے کہ یہ عید ہم نے کوویڈ 19 کے ایس او پیز کی بڑی خلاف ورزی میں گزاری ہے لیکن پاکستان میں آیندہ چند ماہ میں کوویڈ کے علاوہ بھی دو مزید عفریت دکھائی دے رہی ہیں ان میں ٹڈی دل اور سیلاب کے حوالے سے تیاریاں شروع کر دی گئی ہیں۔

انہوں نے بتایا کہ اس وقت ٹڈی دل کا حملہ گروپس کی کیٹیگری میں آتا ہے اور یہ ٹڈی دل مقامی ہے جب اس نے لوٹنا تھا تو برفباری سے نہیں لوٹ سکا اور یہاں ہی اس نے انڈے دے دئیے اور اسی ضمن میں چین نے ٹڈی دل کے خاتمے کے لئے ادویات فرہم کی ہیں، جاپان نے بھی پاکستان کو لیمڈا کی فراہمی کا وعدہ کیا ہے جبکہ پاکستان میں نو جہازوں کا انتظام کر لیا گیا ہے۔

ان کا کہنا تھا کہ ہم گھات لگا کر بیٹھے ہیں کہ کس وقت یہ ٹڈیاں صحرا کا رخ کریں اور ہم انہیں ماریں۔

انہوں نے بتای کہ جون کے بعد ایران اور مسقط میں موجود ٹڈی دل پاکستان کا رخ کریں گے جس کی پیش نظر ڈی جی خان کینال اور کوہ سلیمان کے درمیان ہمارے جہاز ان ٹڈیوں کو روکنے کی کوشیش کریں گے۔

پی آئی اے طیارہ حادثے کا ذمیدار جاں بحق پائلٹ

جنرل محمد افضل کا کہنا تھا کہ یہ عفریت 29 برس کے بعد پاکستان میں داخل ہوا ہے جس کے لئے  پاک فوج نے 5000 جوان اور 150 کے قریب گاڑیاں این ڈی ایم اے کے حولے کیں تاکہ ٹڈی دل ک حملہ روکا جاسکے اور اس وقت پنجاب میں ملتان، بہاولپور، ڈی جی خان، بھکھر، لیہ اوکاڑہ اور چند مزید اضلاع میں پوری رات کام کیا جا رہا ہے کیونکہ ٹڈی دل کا شکار رات کو کیا جاتا ہے جب وہ سیٹل ہو۔

دوسری جانب چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل نے کہا ہے کہ پاکستان میں اس وقت کورونا سے متاثرہ ایک سو اٹھائیس افراد وینٹی لیٹر پر ہیں جبکہ ملک میں اس وقت مجموعی طور پر پانچ ہزار کے قریب وینٹی لیٹرز موجود ہیں۔

پریس کانفرنس میں ان کا مزید کہنا تھا کہ کورونا کیسز اگر مزید بڑھے تو جون میں ہوسکتا ہے کہ مزید وینٹی لیٹرز کی ضرورت پڑے۔

انہوں نے بتایا کہ دوسو وینٹی لیٹرز امریکا نے بھی دینے کا وعدہ کیا ہے جبکہ حکومت پاکستان کو صورتحال کا مکمل ادراک ہے اور اس وقت سب سے زیادہ وینٹی لیٹرز پشاور میں استعمال ہورہے ہیں۔