سندھ حکومت کا سرکاری دفاتر کھولنے سے متعلق بڑا فیصلہ، پہلے مرحلے میں 9 سرکاری محکموں اور انکے سیکریٹریٹ کھولنے کا فیصلہ کرلیا ہے۔

محکمہ اوقاف و زکوات، محکمہ انسانی حقوق، محکمہ صنعت و تجارت، محکمہ آئی ٹی کل 11 مئی سے کھولنے کا فیصلہ جبکہ محکمہ سرمایہ کاری ، سوشل ویلفیئر، اقلیتی امور، محکمہ یونیورسٹیز بورڈز اور محکمہ ورکس سروسز کل سے کھل جائینگے۔

 وزیراعلی سندھ کی منظوری کے بعد چیف سیکریٹری سندھ نے نوٹیفکیشن جاری کردیا جس کے تحت تمام محکموں اور سیکریٹریٹ میں کورونا وایرس سے بچائو کی ایس او پی پر عمل کرنا ہوگا۔

محکمہ داخلہ سندھ نے دکانیں کھولنے کے لیے باقاعدہ ایس او پی جاری کردیا، کاروبار کے اوقات صبح 8 سے شام چار بجے تک ہوں گے۔

جاری کرہ ایس او پی کے تحت چھوٹے دکانداروں , تاجروں ریٹیلرز ،شوروم کسٹمر سروس سینٹرز کے مالکان کی ذمہ داری ہے وہ تمام اسٹاف کو لوگوں کو کورونا کے متعلق آگاہی فراہم کرے جبکہ ماسک اور دستانے بھی فراہم کرے، کوئی بھی خریدار بغیر ماسک کے نہیں آئے گا۔

کام کرنے والوں کے لیے ہاتھ دھونے اور سینٹایزر کی سہولیات ہوں گی جبکہ بخار، کھانسی والے افراد کو اجازت نہیں ہوگی۔

بزرگ افراد کو کہا جائے گا کہ وہ ان لائن ڈیلیوری لیں، اگر کسی ورکرز میں فالو کی عالات ہوئی تو وہ محکمہ صحت کو اطلاع کرے گا۔

ملازمین کے علاج کا خرچہ مالک برداشت کرے گا جبکہ ایس او پی کو فالو کرنے انڈر ٹیکنگ جمع کرانا ہوگی اور دوکاندار کے باہر آویزاں بھی کرنا ہو گی۔

سندھ حکومت نے لاک ڈاون میں مزید توسیع کردی

دوسری جانب اس سے قبل سندھ حکومت نے لاک ڈاون میں 31مئی تک توسیع کردی جس کا نوٹیفکیشن جاری کردیا گیا ہے۔

لاک ڈاون میں توسیع کے حوالے سے جاری کردہ  نوٹیفکیشن میں کہا گیا ہے کہ حکومت کی طرف سے اجازت کے علاوہ کاروباری مراکز بند رہینگے۔

نوٹیفکیشن میں یہ بھی کہا گیا ہے کہ کنسٹرکشن صنعت اور تعمیراتی شعبے کے 8سیکٹرزکھولنے کا فیصلہ کیا گیا ہے جبکہ شاپنگ مالز، تعلیمی ادارے، شادی ہالز، جلسے جلوس، مذہبی اجتماعات پر پابندی ہوگی۔